Ҳоло дар Тоҷикистон 21,2 дарсади аҳолӣ ё атрофи 2 миллион нафар камбизоат будаанд. Аммо тамоюли камшавии мизони камбизоатӣ дар Тоҷикистон мушоҳида мешавад.

Дар ин бора Ҷамшед Нурмаҳмадзода, директори Агентии омори назди президенти Ҷумҳурии Тоҷикистон иттилоъ дод.

Ӯ гуфт, сатҳи камбизоатӣ дар кишвар аз 80 дарсади солҳои 90-ум то 21,2 дарсад дар соли 2023 коҳиш ёфтааст.

Танҳо дар даҳ соли охир (солҳои 2014-2023) мизони камбизоатӣ дар Тоҷикистон бештар аз 10 банди фоизӣ, яъне аз 32 дарсад то ба 21,2 дарсад коҳиш ёфтааст.

Мувоффиқи таҳлилҳои Агентии омор сатҳи камбизоатӣ дар байни минтақаҳои кишвар нисбати шаҳр дар деҳот бештар аст. Тибқи таҳлили охирине, ки Агентии омор дар соли 2019  анҷом додааст, мизони камбизоатӣ дар шаҳр 18,4 дарсад ва дар деҳот 30,1 дарсадро ташкил медиҳад.

Мизони коҳиши сатҳи камбизоатӣ дар Тоҷикистон давоми даҳсолаи охир.

Дар Telegram, Facebook ва Instagram бо мо бимонед.