Даҳсолаи наздик дар Тоҷикистон даст кашидан аз истеҳсоли ашёи хому маҳсулоти нимтайёр ва гузариш ба давраи мукаммали истеҳсолот ба нақша гирифта шудааст. Ин нукта дар Стратегияи рушди саноати ҶТ дар давраи то соли 2030 зикр мегардад.
Лоиҳаи нави Стратегияи мазкурро охири моҳи март ҳукумати ҷумҳурӣ тасдиқ ва ҳафтаи гузашта палатаи поёнии парлумон онро маъқул шуморид.
Ҳадафҳои асосии Стратегия «барҳам додани мақоми корхонаҳо ба сифати истеҳсолкунандаи ашёи хом ва масолеҳи нимтайёр» ва «гузаштан ба давраи мукаммали истеҳсолот (истеҳсоли маҳсулоти барои содирот нигаронидашуда ва воридотивазкунанда) унвон шудааст.
Дар санад зикр мегардад, ки саноати Тоҷикистон ба сифати содироткунандаи консентрати металлҳо, ашёи хом ва маҳсулоти нимтайёри саноати бофандагӣ ва дӯзандагӣ ва консервахои гуногуни сабзавоту мева амал мекунад.
«Барои аз ҷониби ин соҳаҳо истеҳсол шудани маҳсулоти тайёри ҷавобгӯ ба талаботи бозор, зарурати навсозии истеҳсолот ба миён омад, ки аз соҳибкорон харҷи зиёд тақозо мекунад. Аммо воситаҳои молиявии соҳибкорони ватанӣ барои анҷоми ин кор кофӣ набуд ва ҳаллу фасли ин масъала танҳо бо роҳи ҷалби сармоягузорони хориҷӣ, таъмини ҳавасмандии онҳо ва ҷолибияти саноат имкон дошт», - қайд мешавад дар Стратегия.
Иҷрои бандҳои санад дар навбати аввал аз ҳисоби маблағгузории шарикон оид ба сармоягузорӣ ва рушд пешбинӣ шудааст. Ҳамчунин барои гузариш ба силсилаи мукаммали истеҳсолот истифодаи воситаҳои Фонди дастгирии соҳибкорӣ ва қарзҳои дарозмуҳлат бо фоизҳои паст ва ғайра низ дар назар аст.
Яке аз ҳадафҳои асосии Стратегия афзоиши ҳиссаи саноат дар сохтори Маҷмӯи маҳсулоти дохилӣ (ММД) зикр шудааст, ки соли 2030 то ба 25% расонидани он ба нақша гирифта шудааст. Соли 2017 ҳиссаи саноат дар ММД бо шумули энергетика 17%-ро ташкил дод.
Ба аввали соли 2018 дар ҷумҳурӣ фаъолияти 1942 корхонаи саноатӣ ба қайд гиифта шудааст, ки беш аз 90 ҳазор шаҳрвандони кишварро бо кор таъмин мекунанд.
Дар сохтори ҳозираи саноат 34,4% - ба ҳиссаи истихроҷи канданиҳои фоиданок, 26,9% - ба саноати хӯрокворӣ, наздики 15,9% - ба саноати сабук, 13,7% - ба истеҳсоли масолеҳи сохтмон, 7,6% - ба саноати мошинсозӣ, коркарди металлҳо ва кимиё ва 1,6% - ба саноати истихроҷи ангишт рост меояд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
История кофе: от Эфиопии до первого цеха по обжарке в Таджикистане
В Таджикистане организовали курсы по изучению таджикского языка жестов. Чем он отличается от международного?
МВФ в три раза понизил заявленный правительством Туркменистана рост ВВП республики
Юлия Навальная вошла в топ-100 самых влиятельных людей мира по версии Time
В селе в районе Дж. Балхи при поддержке Японии построили школу
В Душанбе из-за международного полумарафона перекроют дороги
В Варзобе в суд направили дело капитана милиции по обвинению в получении 20 тысяч сомони взятки
Родственники Мухаммадсобира Файзова, подозреваемого в теракте в «Крокус Сити Холл», рассказали свою правду
Медведев призвал ввести уголовную ответственность для иноагентов
В Ташкенте учительница наказывала первоклашек иголками и саморезами
Все новости
Авторизуйтесь, пожалуйста