Палатаи поёнии парлумони Тоҷикистон имрӯз якчанд созишномаи бунёди роҳи мошингардро аз канори нерӯгоҳи Роғун тасдиқ кард. Бунёди роҳ охири соли 2025 пурра ба итмом мерасад.
Мувини вазири молияи ҷумҳурӣ Юсуф Раҷабӣ ба вакилон хабар дод, ки бунёди роҳи нав аз лиҳози манфиатҳои миллӣ ва минтақавӣ барои ҳукумати Тоҷикистон афзалияти стратегӣ ба шумор меравад.
Ба гуфтаи ӯ, ин роҳ қисмате аз долони муҳими байнулмилалӣ буда, дастрасӣ ба имконоти иқтисодӣ ва хизматрасониҳои иҷтимоиро барои 17 маҳаллаи аҳолинишини кишвар таъмин мекунад.
Барои амалисозии лоиҳа ниҳодҳои молиявии байнулмилалӣ 350 млн доллар маблағ ҷудо карда, ҳиссаи ҳукумати Тоҷикистон 28 млн долларро ташкил медиҳад.
Дар лоиҳа сохтмони ҳудуди 75 километр роҳи духата, якчанд пул ва нақбҳо пешбинӣ шудааст.
Юсуф Раҷабӣ таъкид дошт, ки барои татбиқи лоиҳа Бонки аврупоии таҷдид ва рушд ба сифати қарз 150 млн доллар, Фонди рушди байнулмилалии ОПЕК (Созмони кишварҳои содиркунандаи нафт) – 40 млн, Бонки осиёии зерсохтор ва сармоягузорӣ – 50 млн ва Бонки осиёии рушд ба сифати грант 110 млн доллар маблағ ҷудо мекунанд.
Ёдрас мекунем, ки ин роҳ байни Обигарм ва Нуробод аз канори обанбори нерӯгоҳи Роғун сохта мешавад. Қитъаи пешинаи роҳ бо тадриҷан пур шудани обанбори нерӯгоҳ зери об мемонад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Где в Таджикистане сдать тест на ДНК и во сколько это обойдется?
В Душанбе проходит выставка художниц из «Мастерской Оро»
В Кабуле талибы захватили дом Захира Агбара и Абдулрашида Дустума
В Таджикистане предупредили о риске появления чумы
Эмомали Рахмон обсудил в Риме ход строительства Рогунской ГЭС
Началась Всемирная неделя иммунизации
КЧС предупредил о возможном буйстве стихии в Таджикистане
Сборная Таджикистана по футзалу вышла в полуфинал Кубка Азии-2024
В Душанбе состоится выставка отечественных и зарубежных товаропроизводителей
Пыль из Сахары окрасила греческие Афины в оранжевый цвет
Все новости
Авторизуйтесь, пожалуйста