Дар Маскав рӯзи 25 феврал вохӯрии сафири Тоҷикистон дар Русия Имомуддин Сатторов бо раиси раёсати Бонки авруосиёии рушд (БАОР) Николай Подгузов баргузор шуд.
Бино ба иттилои намояндагии Тоҷикистон дар Русия, зимни мулоқот масоили ҳамкории Тоҷикистону БАОР дар соли 2021 ва дурнамои амалисозии лоиҳаҳои муштарак дар бахшҳои гуногун, аз ҷумла саноату энергетика ва дигар соҳаҳо баррасӣ шуд.
БАОР Мудирияти воситаҳои Фонди авруосиёии субот ва рушдро дар ихтиёр дошта, аввали моҳи ноябри соли гузашта ба Тоҷикистон 50 млн доллар қарз дод. Қарз ба муҳлати 20 сол бо давраи имтиёзноки 10 сол ва меъёри сабтшудаи 1%-солона ҷудо шуд.
Қарзи мазкур ба дастгирии буҷети Тоҷикистон дар шароити оқибатҳои манфии пандемияи COVID-19 равона мешавад.
Мувофиқи пешгӯии БАОР, иқтисодҳои кишварҳои узви Бонк оҳиста-оҳиста барқарор шуда, соли 2021 суръати рушди иқтисод дар Арманистон – 4,9%, Қазоқистон – 4,4%, Қирғизистон – 3,7%, Русия – 3,2% ва Тоҷикистон – 6,1%-ро ташкил хоҳад дод.
Пурра барқарор шудани ММД ба давраи то буҳрони семоҳаи 4-уми соли 2019 танҳо дар Қазоқистон ба амал меояд, ки дар он поинравӣ аз рӯйи натиҷаҳои соли 2020 нисбатан камтар аст. Ба ин ҳаҷм дигар кишварҳо дар нимаи аввали соли 2022 ё дертар аз он мерасанд.
Бонки авруосиёии рушд соли 2006 таъсис дода шуда, Арманистону Беларус, Қазоқистону Қирғизистон ва Тоҷикистону Русия аъзои он мебошанд. Ҳаҷми сармояи Бонк 7 млрд долларро ташкил дода, саҳми Тоҷикистон ба сармояи оинномавӣ ба 500 ҳазор доллар баробар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Салом алейкум, Таджикистан! Анонсы событий, день в истории, прогноз погоды на 29 марта 2024 года
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
Все новости
Авторизуйтесь, пожалуйста