Дар вохӯрии президенти Тоҷикистон Эмомалӣ Раҳмон бо вазири дифоъ ва пуштибонии Неруҳои мусаллаҳи Эрон Муҳаммад Ризо Оштиёнӣ, ки имрӯз, 18 октябр доир гардид, масоили муносибатҳои Тоҷикистону Эрон, аз ҷумла ҳамкории мутақобилаи кишварҳо дар соҳаи таъмини амният баррасӣ шуданд.
Тавре ки хадамоти матбуоти сарвари давлат хабар медиҳад, ҷонибҳо бо ишора ба шиддат гирифтани таҳдиду хатарҳои муосир зарурати таҳкими ҳамкориҳоро дар самти муқовимат ба чунин зуҳуроти онҳо, ба монанди терроризм, ифротгароӣ, гардиши ғайриқонунии маводи мухаддир ва ҷинояткории муташаккили фаромиллӣ таъкид намуданд.
Гуфта мешавад, ҳарду кишвар аз тавсеаи фаъолияти абзорҳои мавҷудаи ҳамкорӣ, ҳамчунин татбиқи ҳамаҷонибаи санадҳо ва мувофиқаҳои дар ин соҳа ҳосилгардида ҷонибдорӣ карданд.
Аз дигар ҷузъиёти мулоқоти Эмомалӣ Раҳмон бо Муҳаммад Ризо Оштиёнӣ хадамоти матбуоти сарвари давлат хабар намедиҳад.
Ёдрас мекунем, ки чанде пеш аз ин вазири дифоъ ва пуштибонии Неруҳои мусаллаҳи Эрон бо вазири мудофаи Тоҷикистон генерал-полковник Шералӣ Мирзо дидору гуфтушунид кард. Мавзӯи асосии мулоқот аз масоили авзои минтақа ва ҷаҳон, ҳолати кунунии Қувваҳои мусаллаҳи Тоҷикистон, инчунин нақшаҳои марбут ба ҳамкорӣ дар соҳаи мудофиа ва рушди техникаи ҳарбӣ иборат буд.
Аз маркази матбуоти Вазорати мудофиаи ҷумҳурӣ ба “Азия-Плюс” хабар доданд, ки аз рӯи натиҷаҳои гуфтушунид байни ҷонибҳо Ёддошти тафоҳум ва ҳамкорӣ ба имзо расидааст.
Как стать студентом в Китае, шаги для поступления и необходимые документы
В Бободжон Гафурове задержали более 50 колдунов и гадалок
Прокурор МУС запросил ордер на арест Нетаньяху
Таджикистан и Кыргызстан обсудили безопасность на границе
Что гибель Ибрахима Раиси значит для политической системы Ирана
Почему Таджикистану не хватает мяса?
Россия планирует запустить производство лекарств в Таджикистане
Стоимость эстакады в Душанбе составит почти 28,5 миллионов евро
Сели в Таджикистане нанесли урон дорогам, сельхозугодьям и домам
В Таджикистан уже не страшно вкладывать инвестиции?
Все новости
Авторизуйтесь, пожалуйста