Рӯзҳои наздик дар навоҳии кӯҳӣ ва наздикӯҳии тобеъи ҷумҳурӣ ва ноҳияҳои ғарбии ВМКБ боронҳои шадид дар назар аст. Ин метавонад ба омадани селҳо боис гардад. Дар ин бора Кумитаи ҳолатҳои фавқулодаи ҷумҳурӣ огоҳ мекунад.
Гуфта мешавад, ин ҳодисаҳо метавонанд ба болоравии сатҳи оби рӯдхонаҳо дар минтақаҳои зикршуда боис гарданд.
“Боришоти борон ва оби дарёҳо метавонад пастхамиҳо, заминҳои кишоварзиро зери об кунад, қитъаҳои роҳҳоро шуста, инчунин ба бехатарии пулҳо хатар эҷод кунад”, - омадааст дар хабари Кумита.
Дар ин робита Кумитаи ҳолатҳои фавқулода аз шаҳрвандон даъват менамояд, ки чораҳои бехатарии шахсиро риоя намуда, аз сайру гашт дар кӯҳҳо, шикор, чорвочаронӣ ва ҷамъоварии ҳезум худдорӣ намоянд.
Зикр мегардад, ки дар ин рӯзҳо лозим меояд ба бачаҳо диққати ҷиддӣ дода шавад. Онҳоро набояд гузошт тани танҳо чорвочаронӣ, ғунучини ҳезум, ҷамъоварии зироати кишварзӣ ва ё моҳидорӣ раванд.
Ҳамчунин ба хотири ҷилавгирӣ аз обхезӣ тавсия дода мешавад, ки сокинон сари вақт ҷӯву заҳбурҳо ва каналҳои назди хонаҳои худро тоза кунанд.
Дар ҳамин ҳол, тавре ки ба “Азия-Плюс” аз Агентии обуҳавошиносӣ хабар доданд, ҳарорат то охири ҳафта чандон тағйир намеёбад. Аммо аз 22 октябр поинравии ҳарорат тақрибан то 5 дараҷа пешбинӣ мешавад.
Тавре ки дар Агентӣ зикр карданд, ҳоло дар бораи чӣ гуна шудани обуҳаво то охири моҳ ҳарф задан барвақт аст, зеро мушоҳидаҳо ҳамеша дар ҳоли тағйиранд.
Цифровая грамотность в эпоху фейков: Как защитить себя от дезинформации?
В Колумбии задержан крестный отец итальянской мафии
ЕАБР связывает высокий рост экономики Таджикистана с денежными переводами
В Таджикистане запустят производство беспилотников на основе ИИ
Эмомали Рахмон поздравил Прабово Субианто - нового президента Индонезии
Когда в Худжанде построят обещанную школу для не слышащих детей?
В Таджикистан придут дожди
Казахстан предлагает внести изменения в Соглашение о статусе формирований ОДКБ
В Узбекистане построят 8 мусоросжигательных заводов для переработки отходов в энергию
«Иностранцам запрещено». Мигранта из Таджикистана решили депортировать после его появления в районе подмосковной Рублевки
Все новости
Авторизуйтесь, пожалуйста