Кумита оид ба корҳои дин, танзими анъана ва ҷашну маросимҳои миллии назди ҳукумати Тоҷикистон барои интихоби роҳбаладони мавсими «Ҳаҷ-2018» озмун эълон кард.
Бино ба иттилои дафтари матбуоти Кумита, талаботи асосӣ барои доваталабон - огоҳии комил аз аҳкоми маносики ҳаҷ, малакаи хуби ташкилотчигиву муошират бо ҳоҷиён, обутоби ҷисмонӣ, дар шароити душвор кор карда тавонистан ва донистани забони арабӣ ё англисӣ дар сатҳи муошират зикр шудааст. Дар озмун нафарони синнашон аз 30 то 60-сола иштирок карда метавонанд.
Тавре ба «Азия-Плюс» аз Кумитаи мазкур хабар доданд, ҳуҷҷатҳо барои иштирок дар озмун аз 22 январ то 22 феврал қабул карда мешаванд.
Зимнан таъкид мешавад, ки тибқи муқаррароти ҷониби Арабистони Саудӣ аз нафароне, ки дар панҷ соли ахир ҳадди ақал як маротиба маносики ҳаҷро ба ҷо овардаанд, дар ҳаҷми 500 доллари амрикоӣ иловапулӣ ситонида мешавад.
Соли гузашта ҳамроҳ бо ҳайати хизматрасон 6 ҳазору 520 нафар шаҳрвандони Тоҷикистон ба зиёрати Хонаи Худо мушарраф гаштанд. Соли 2017 арзиши маросими адои ҳаҷ барои тоҷикистониён наздики 33 ҳазор сомонӣ (3 ҳазору 630 доллар)-ро ташкил дод, ки нисбат ба соли пешин (соли 2016) беш аз 4 ҳазор сомонӣ зиёдтар буд.
Охири соли гузашта муовини сарвазири ҷумҳурӣ Азим Иброҳим дар ҷаласаи навбатии ҷамъбастии Комиссияи “Ҳаҷ-2017” дастур дод, ки ҳангоми баррасии муроҷиати шаҳрвандон доир ба хоҳиши адои маросими ҳаҷ шароити зиндагии ҳар яки онҳоро ба инобат гирифта, қарори дахлдорро қабул намоянд.
Как выбирают жену в Таджикистане: ТОП-5 качеств идеальной невесты
Узбекский шопинг: чем заполнить чемодан в Узбекистане?
Как производство извести в Таджикистане наносит ущерб людям и окружающей среде
Руководитель ООО «Лоик»: "Проверка Антикоррупицонного ведомства является вмешательством в предпринимательскую деятельность"
WSJ: спецслужбы США не считают руководство РФ причастным к смерти Навального
Шоковая заморозка и бизнес на червях. 5 новых бизнес-идей в сельском хозяйстве для Таджикистана
В Совбезе Узбекистана заявили о давлении внешних сил на страны Центральной Азии
ГЛАВНОЕ ЗА НЕДЕЛЮ: Приезд Кэмерона, итальянское турне и риск заражения чумой
Салом алейкум, Таджикистан! Анонсы событий, день в истории, прогноз погоды на 27 апреля 2024 года
Оказывается, премьера «Кавказской пленницы…» состоялась в Душанбе. Рассказываем, как это было
Все новости
Авторизуйтесь, пожалуйста