Дар вилояти Суғд давоми як соли гузашта 35 ташкилоти ҷамъиятӣ барҳам хӯрдаанд. Ин шумораи ташкилоти ҷамъиятии барҳамхӯрда нисбат ба соли 2021-ум 8 адад зиёд аст. Дар ин бора Насрулло Солеҳзода, муовини сардори Раёсати адлияи вилояти Суғд, зимни нишасти матбуотӣ, иттилоъ дод.
Ба гуфтаи ӯ, сабабҳои асосии ин барҳамхӯрӣ фавти роҳбарони ташкилоти ҷамъиятӣ, адами сармоягузор ва ба муҳоҷирати меҳнатӣ рафтани роҳбарони ташкилоти ҷамъиятӣ мебошад.
“Ин 35 ташкилоти ҷамъиятӣ бо қарори раҳбаронашон барҳам дода шудаанд. Дар давоми се соли охир ягон ҳолати тариқи суд барҳам хӯрдани ташкилоти ҷамъиятӣ ба қайд гирифта нашудааст”, - гуфт Солеҳзода.
Насрулло Солеҳзода аз се ташиклоти ҷамъиятии барҳамхӯрда - “Пайванди дилҳо”-и шаҳри Панҷакент, Ассотсиатсияи истифодабарандагони оби “Дарё”-и ноҳияи Ашт ва “Федератсияи фитнес ва бодибилдинги вилояти Суғд”-и шаҳри Хуҷанд ном бурд.
Таврӯ ӯ зикр кард, ташкилоти ҷамъиятии “Пайванди дилҳо”-и шаҳри Панҷакент, ки ҳадафаш дастгирии ҷавонони имконияти маҳдуд буд, аз сабаби наёфтани сармоягузор фаъолияташро қатъ кардааст.
“Аз сабаби ба муҳоҷирати меҳнатӣ рафтани роҳбари ташкилот Набӣ Турсунов - Ассотсиатсияи истифодабарандагони оби “Дарё”-и ноҳияи Ашт фаъолияташро барҳам дод”, - гуфт номбурда.
Инчунин, роҳбари ташкилоти ҷамъиятии “Федератсияи фитнес ва бодибилдинги вилояти Суғд”-и шаҳри Хуҷанд барҳам хӯрдааст. Ҳадафи ташкилот, ки рушд ва сайқал додани намудҳои варзиши бодибилдинг дар вилояти Суғд буда, роҳбараш - Мунир Асатуллоев баъди наомадани тамрингарон ба варзишгоҳ ташкилоташро барҳам додааст.
Бояд гуфт, ки дар вилояти Суғд аз соли 2007 то имрӯз 761 адад ташкилоти ҷамъиятӣ ба қайд гирифта шуда, аз ин шумора 331 адад барҳам дода шудааст.
Дар тамоми Тоҷикистон бошад, тибқи иттилои Асадулло Ҳакимзода, муовини вазири адлия, соли 2022 қариб 500 ташкилоти ҷамъиятӣ барҳам дода шудаанд, ки ин нисбат ба соли 2021-ум беш аз 350 адад зиёд мебошад: соли 2021 фаъолияти 138 ташкилоти ҷамъиятӣ қатъ гардида буд.
Наркоз не сокращает жизнь. Анестезиолог о рисках и восстановлении организма после анестезии
Стали известны суммы заработка таджикских спортсменов в лиге UFC
Натуральные соки «Нури Зулол» с трубочкой - идеальный выбор для здоровья и радости детей!
В Душанбе запущен проект по учёту нарушений парковки на общественных остановках
Китай первым в мире доставил на Землю грунт с обратной стороны Луны
«Теперь я могу носить платок как традиционная таджичка». Три истории женщин Таджикистана
Пятеро таджикистанцев подняли флаг Таджикистана на Эльбрусе
«Алиф» и Visa представляют новый уровень платежей с Google Pay в Таджикистане
Лоик Раджабов показал, как готовится к своему следующему бою в UFC
В Таджикистане директор компании подозревается в обмане более 80 человек
Все новости
Авторизуйтесь, пожалуйста