Душанбе. 29-уми июл. ОИ «Азия-Плюс» - Президенти Тоҷикистон Эмомалӣ Раҳмон парчами Тоҷикистонро дар маросими ифтитоҳи Бозиҳои Олимпии Пекин ба гурзандоз Дилшод Назаров боварӣ намуд.
Президент гурӯҳи варзишгарони тоҷикро, ки баъди ду рӯз баҳри иштирок дар Бозиҳои 29-уми Олимпӣ ба шаҳри Пекини Ҷумҳурии Мардумии Чин сафар мекунанд, ба ҳузур пазируфт.
Сарвари давлат иштирок дар
Бозиҳои 29-уми Олимпиро шарафи бузург ва дар айни замон масъулияти бузург низ маънидод карда, онҳоро ба нишон додани маҳорату матонати баланд баҳри ба даст овардани нишондодҳои пуршараф ба манфиати давлату миллати худ ҳидоят намуд ва изҳори боварӣ кард, ки варзишгарони тоҷик бо иродаи қавии худ шарафи Тоҷикистонро дар ин мусобиқаҳои бонуфузтарини олам ҳимоя намуда, Парчами Ватани азизи худро дар фазои шаҳри Пекин партавафшон мекунанд.
Хотиррасон мекунем, ки Тоҷикистонро дар Бозиҳои 29-уми Олимпии шаҳри Пекин 14 нафар беҳтарин варзишгарони тоҷик дар риштаҳои бокс, гуштини дзюдо, гӯштини тарзи озод, камонварӣ, шиноварӣ, вазнбардорӣ ва варзиши сабук намояндагӣ мекунанд.
Ба андешаи худи варзишгарони мунтахаби тоҷик таваҷҷӯҳи доимӣ ва дастгириҳои пайвастаи роҳбарияти давлату ҳукумат ба соҳаи варзиш ва тарғибу ташвиқи тарзи ҳаёти солим ва хусусан вохӯрии имрӯзаи Президенти Ҷумҳурии Тоҷикистон Эмомалӣ Раҳмон масъулият ва ифтихору сарфарозии онҳоро дучанд намуда, барояшон рӯҳу илҳоми тоза мебахшад. Дар ин бора аз дафтари матбуоти срвари давлат хабар доданд.
Дар ҳамин ҳол, дар ин мулоқот низ масъалаи мукофотпулии варзишгарон аз ҷониби ҳукумати кишвар ҳал нагардид. Кумитаи Миллии Олимпии Тоҷикистон барои варзищгарон чунин мукофотпулӣ муайян кард: барои медали тилло - 10, медали нуқра - 5 ва медали биринҷӣ 3 ҳазор доллари амрикоӣ. Ҳамчунин аз ҷониби соҳибкорон хусусӣ низ автамашинаҳои навъи «
TOYOTA
» ва $10 ҳазор мукофотпулӣ ваъда карда шуд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста