Душанбе. 9-уми август. ОИ «Азия-Плюс» - Имрӯз дар Тоҷикистон ҷашни Рӯзи варзишгарон таҷлил мегардад.

Сардори шӯъбаи иттилоотиву таҳлилии Кумитаи ҷавонон, варзиш ва сайёҳии назди ҳукумати Тоҷикистон Мавлон Шарипов ба хабарнигори ОИ «Азия-Плюс» изҳор дошт, ки ба ин муносибат шоми имрӯз дар маркази ҷавонони «Ориёно» кумита бо иштироки беш аз 60 нафар собиқадорони варзиши ҷумҳурӣ маҷлиси бошукӯҳ баргузор менамояд.

Ба гуфтаи ӯ, собиқадорони соҳаи варзишро муовини раиси кумита Кабирҷон Ҷураев табрик намуда, сипас барномаи фарҳангӣ доир мегардад.

Ёдрас мекунем, ки ҷашни Рӯзи варзишгарони Тоҷикистон ҳамасола ҳафтаи аввали моҳи август таҷлил карда мешавад.