Душанбе. 18-уми июл. «Азия-Плюс» — | Дар ноҳияи Айнии вилояти Суғд мусобиқоти I-уми қаҳрамонии Иттиҳоди Давлатҳои Мустақил оид ба кӯҳнавардӣ оғоз гардид, ки дар он кӯҳнавардони Қазоқистон, Қирғизистон, Украина, Русия ва Белорус ширкат меварзанд.
Муовини раиси Кумитаи ҷавонон, варзиш ва сайёҳии назди ҳукумати ҷумҳурӣ Лочин Файзуллоев ба хабарнигори ОИ «Азия-Плюс» хабар дод, ки кӯҳнавардон бояд қуллаи Замин-Қарори воқеъ дар дар маҳаллаи аҳолинишини Марғебро фатҳ намоянд. «Ин мусобиқот то 31-уми июл идома ёфта, кӯҳнавардон хатсайрҳои дорои мушкилоти гуногун ва масофаҳои ҳархеларо тай хоҳанд кард, ки барои кӯҳнавардони кишварҳои узви ИДМ хеле ҷолиб аст», - гуфт ӯ.
Ба қавли ӯ, ҳарчанд ин мусобиқот барои кӯҳнавардони кишварҳои узви ИДМ ҷолиб бошад ҳам, ҳузур надоштани дастаи Тоҷикистон дар он боиси таассуф аст. «Федератсияи кӯҳнавардии Тоҷикистон муддати 20 сол аст, ки амал мекунад, вале наметавонад дастаи ҷумҳуриро дар сатхи зарурӣ омода созад, ҳол он ки барои иштирок даста аз рӯйи нишондиҳандаҳои муайян бояд марҳилаи интихобиро гузарад, яъне аз ӯҳдаи фатҳи хатсайрҳои на он қадр мушкил барояд», - иброз дошт вай.
Ба ақидаи Л.Файзуллоев, баргузории мусобиқоти мазкур дар чунин сатҳ дар кишвари мо ба таблиғоти варзиши кӯҳнавардӣ саҳми арзанда хоҳад гузошт. «Умедворам, ки дастаи Тоҷикистон дар мусобиқоти соли оянда ширкат хоҳад варзид», - афзуд номбурда.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста