Дар Тоҷикистон ба баргузории вохӯрии даври сеюми мусобиқоти Ҷоми ҷаҳон-2014 дар қораи Осиё миёни дастаҳои футболи Тоҷикистон ва Ӯзбекистон омодагӣ мегиранд.
Ба гуфтаи мудири шӯъбаи ҷавонон, варзиш ва сайёҳии ҳукумати шаҳри Турсунзода Азимҷон Назаров, корҳои омдагӣ ба баргузории вохӯрӣ аллакай оғоз гардида, масоили дар сатҳи зарурӣ доир сохтани он таҳти назорати шахсии раиси шаҳр қарор доранд. «Таъмини амният дар варзишгоҳ ба дӯши мақомоти ҳифзи ҳуқуқ ва бригадаҳои ҷавонон вогузор гардида, ҷиҳати ҷалби мухлисон ба варзишгоҳ корҳои таблиғотӣ ба роҳ монда шуданд», - гуфт ӯ.
Ба қавли Назаров, бо мақсади дар сатҳи зарурӣ баргузор намудани вохӯрӣ робитаи зичи мақомоти шаҳрдорӣ ва Федератсияи фтболи ҷумҳурӣ зарур аст, то ки мушкилоти пайдошуда саривақт ҳал карда шавад. «Ман бар ин назарам, ки барои ҷалби бештари мухлисон ба вохӯрӣ роҳандозии ворид шудан ба варзишгоҳ ба таври ройгон мувофиқи мақсад аст», - афзуд номбурда.
Котиби генералии Федератсияи футболи Тоҷикистон дар робита ба ин масъала мегӯяд, мақомоти раҳбарии федератсия низ омодагӣ ба вохӯриро оғоз карданд. «Таҳти сарварии президенти федератсия Сӯҳроб Қосимов кумитаи тадорукотӣ таъсис дода шуда, нақшаи омодагии иборат аз 22 банд, аз ҷумла истиқболи меҳмонон, ташкили пахши телвизионии вохӯрӣ ва ғайра тасдиқ карда шуд», - гуфт ӯ.
Перомуни масъалаи ба вохӯрӣ омадани мухлисони ӯзбек, Ш. Давлатов гуфт, айни замон Федератсияи футболи Ӯзбекистон бобати ин масъала муроҷиат накардааст, вале «агар чунин муроҷиат шавад, мо барои мусоидат ба қабули онҳо омодаем».
Бино ба маълумоти сафоратхонаи Тоҷикистон дар Ӯзбекистон, аз мухлисони ӯзбек ба сафорат то ҳанӯз дархосте ворид нашудааст. «Мо танҳо аз ҷониби дастаи мунтахаби футболи Ӯзбекистон ва намояндагони Федератсияи футболи ин кишвар барои қабули 40 нафар дархост қабул кардем», - гуфтанд дар сафорат.
Ёдрас мекунем, ки рӯзи 2-юми сентябри соли равон дар варзишгоҳи «Металлург»-и шаҳри Турсунзода вохӯрии дастаҳои мунтахаби фтболи Тоҷикистону Ӯзбекистон баргузор мешавад. Оғози бозӣ соати 16:30 дақиқа ба вақти маҳаллӣ аст.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста