Гӯштигири тоҷик дар риштаи самбо Комроншоҳи Устопириён ба гирифтани медали нуқраи мусобиқоти Универсиадаи XXVII-уми ҷаҳонии тобистона дар Қазони Русия шарафёб гардид.
Бино ба иттилои торнамои расмии Универсиада, дар қувваозмоии ниҳоӣ барои дарёфти медали тило дар вазни то 90 кило самбочии тоҷик аз варзишгари Русия Павел Румянтсев бо ҳисоби 0 бар 1 шикаст хӯрдааст.
Пас аз анҷоми қувваозмоии ниҳоӣ варзишгари рус Павел Румянтсев изҳор намудааст, ки барои ғалаба дар вохӯрии ниҳоӣ дастгирии мухлисон ба ӯ хеле кӯмак кардаааст. «Қувваозмоии ниҳоӣ душвортарин ва ҳарифи ман ҳарчанд ҷавон бошад ҳам, хеле пурқувват буд. Шояд имрӯз аз таҷрибаи кофӣ бьархӯрдор набуд, вале минбаъд дар шахси ӯ ман ҳарифи пурқувватеро мебинам», - иброз доштааст андешаҳои худро самбочии рус.
Дар ин вазни риштаи самбо Никола Милошевич (Сербия) ва Сӯҳроб Остонаев (Ӯзбекистон) ба медалҳои биринҷӣ соҳиб гардиданд.
Медали нуқраи Комроншоҳи Устопириён чорумин медали дастаи Тоҷикистон дар мусобиқоти Универсиадаи Қазон аст. Қаблан низ гӯштигирон барои дастаи Тоҷикистон як медали нуқра ва ду медали биринҷӣ ба даст оварда буданд. Дар ҷадвали умумӣ аз рӯйи медалҳо дастаи Тоҷикистон дар мақоми 41-ум қарор дорад.
Аз рӯйи ҳисоби медалҳои Универсиадаи Қазон дастаи Русия бо 197 медал пешсаф аст, ки аз ин миқдор 100-тоаш медали тило – 52-тоаш – нуқра ва 45-тоаш – биринҷӣ мебошанд. Дастаи Ҷопон бо 55 медал (16-20-19) зинаи дуюм ва дастаи Чин бо касби 48 медал (16-20-12) мақомои сеюмро ишғол кардаанд.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста