Душанбе. 19-уми ноябр - Пас аз таваққуфи якҳафтаина дар як қатор ноҳияҳои пахтакори вилоятҳои Хатлону Суғд ҷамъоварии ҳосили пахта аз нав шурӯъ шуд. Деҳқонон ният доранд, ки то кӯраки охирин ҳосили имсоларо ҷамъоварӣ намоянд.
Тибқи маълумоти ахири Кумитаи давлатии омори кишвар, то имрӯз кишоварзони вилояти Суғд ба андозаи 49,6 фоиз ва вилояти Хатлон 48,3 фоизи нақша ҳосили пунбадона ҷамъоварӣ кардаанд.
Ба гуфтаи сардори Раёсати рустанипарварии Вазорати кишоварзии ҷумҳурӣ Саидмурод Баҳриддинов, боришоти рӯзҳои ахир сабаби он гардид, ки деҳқонон аз ҷамъоварии ҳосил даст кашанд. Номбурда изҳор дошт, ки дар чанде аз хоҷагиҳои ноҳияҳои Ҳисору Шаҳринав шудгор ва ҷамъоварии ғӯзапоя оғоз шудааст, ки ҳарчӣ барвақт анҷом додани он ба афзоиши ҳосилнокӣ мусоидат мекунад.
Қобили зикр аст, ки соли равон кишоварзони ноҳияи Данғара нахустин шуда аз иҷрои нақша мужда расониданд. Маъмулан маъракаи ҷамъоварии пахта бо бориши барфи авал - ахири моҳи ноябр ё аввали моҳи декабр ба анҷом мерасад.
Ёдовар мешавем, соли гузашта дар масоҳати 254 ҳазору
Тибқи маълумоти ахири Кумитаи давлатии омори ҷумҳурӣ, дар 9 моҳи соли ҷорӣ содироти нахи пахта дар ҳаҷми умумии содироти моли кишвар 7,2 фоизро ташкил дода, ба хориҷи кишвар ба маблағи $89,5 млн. нахи пахта содирот шудааст, ки нисбат ба ҳамин давраи соли гузашта аз рӯи миқдор 20,5 ҳазор тонна ва аз рӯи арзиш $8,1 млн. камтар аст.
Нахи пахтаи ҷумҳурӣ асосан ба Русия (39,9%), Эрон (26,4%), Ӯзбекистон (9,6%), Латвия (7,9%), Булғористон (5,5%), Белорус (3,5%), Украина (2,3%), Чин (0,3%) ва Британияи Кабир (0,2%) бароварда шудааст.
Қимати миёнаи нахи пахта нисбат ба ҳамин давраи соли гузашта ба андозаи $221 афзуда, феълан барои 1 тонна $1336-ро ташкил медиҳад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста