Душанбе. 6-уми июл. ОИ «Азия-Плюс» - Имрӯз пас аз мулоқот бо президенти Тоҷикистон Эмомалӣ Раҳмон ёвари котиби давлатии ИМА оид ба Осиёи Ҷанубӣ ва Марказӣ Роберт Блейк дар ҷамъи рӯзноманигорон изҳор дошт, ки Тоҷикистон дар минтақа яке аз кишварҳои бузурги аз Амрико кӯмакгиранда маҳсуб гардида,дар замони бӯҳрони молӣ ИМА ҳаҷми кӯмакҳо ба Тоҷикистонро коҳиш нахоҳад дод.
Ба гуфтаи ӯ, муносиботи ҳамкории Тоҷикистону Амрико бештар ба муборизаи пурсамар алайҳи терроризм, муомилоти ғайриқонунии маводи мухаддир ва таъмини амният дар марз бастагӣ дорад.
Р.Блейк гуфт, ИМА дар Афғонистон ба роҳандозии сиёсати тоза шурӯъ намудааст, ки он ба фермерон имкон фароҳам хоҳад сохт аз парвариши зироатҳои кишоварзӣ даромади қобили мулоҳиза ба даст оранд ва ин роҳ онҳоро маҷбур хоҳад кард, ки аз парвариши рустании нашъадор даст кашанд.
Номбурда зикр намуд, ки дар гуфтушунид бо сарвари давлати Тоҷикистон масоили вазъи кунунӣ ва дурнамои ҳамкориҳои дуҷониба, таҳкими раванди демократия, таъмини озходии баёну эътиқод мавриди баррасӣ қарор гирифта, ҷонибҳо аз рӯи аксари масоили матраҳшуда ҳусни тафоҳум ҳосил кардаанд.
Нимаи дуввуми имрӯз Р.Блейк ният дорад, дар шаҳри Душанбе бо гурӯҳи рӯзноманигорони тоҷик мулоқот барпо созад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста