Пас аз таркиш дар назди консулгарии сафорати Русия дар Кобул Амирхон Муттақӣ, сарпарасти вазорати умури хориҷаи Афғонистон бо Сергей Лавров, вазири умури хориҷаи Русия суҳбати телефонӣ анҷом додааст.
“ToloNews” бо истинод ба ҳарфи муовини сухангӯи сарпарасти вазорати умури хориҷаи Афғонистон гуфтааст, ки Амирхон Муттақӣ бо Сергей Лавров таркиш дар назди консулгарии Русия до Кобулро баррасӣ карда, “итминон додааст, ки талошҳо барои таъмини амнияти сафоратхонаи ин кишвар афзоиш хоҳанд ёфт”.
“Амирхон Муттақӣ гуфт, ки мо набояд иҷоза диҳем то чунин амалҳои манфии душман дар равобити наздик ва мусбати ду кишвар таъсири манфӣ гузорад», - менависад “ToloNews”.
Гуфтан ба маврид аст, ки дар пайи таркиши 5-уми сентябр дар наздикии консулгарии Русия дар Кобул шаш нафар, аз ҷумла ду нафар корманди сафорати ин давлат ба ҳалокат расида, чандин нафари дар он макон ҳузурдошта захмӣ шуданд. Масъулияти таркишро Давлати исломӣ* ба зимма гирифт.
Фармондеҳи амнияи Кобул дар шарҳи ин таркиш гуфтааст, ки “маргталаб мехост худашро дар миёни мардум тарконад, аммо пеш аз расидан ба ҳадаф аз сӯи нерӯҳои Иморати исломӣ аз пой афтонида шуд”.
Зикр карда мешавад, ки фаъолияти консулгарии Русия дар Кобул барои муҳлати номаълум қатъ гардидааст.
Ёдовар мешавем, Русия аз ҷумлаи кишварҳое аст, ки пас аз ишғоли Кобул аз ҷониби Толибон* бо ин гурӯҳ ҳамкории наздикро идома дод ва чанд маротиба намояндагони ин гурӯҳро ба Маскав даъват кардаву дипломати онҳоро барои фаъолият дар Маскав пазируфт.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Кулли ахбор
Авторизуйтесь, пожалуйста