Чанде қабл дар Душанбе зимни мулоқоти мақомоти раҳбарии Саридораи геологияи назди ҳукумати ҶТ бо президенти ширкати Tethys Petroleum Limited Дэвид Робсон масъалаи фаъолияти минбаъдаи ин ширкат дар Тоҷикистон баррасӣ шуд.
Бино ба итттилои хадамоти матбуоти Саридораи геологияи ҶТ, ҷонибҳо атрофи масоили таҳияи нақшаи амали минбаъдаи фаъолияти ширкат ва роҳҳои ҷудо кардани воситаҳо барои эҳтиёҷоти ширкат ҷиҳати таҳқиқи минтақаҳои пешбинишуда табодули назар намуданд.
Мақомоти раҳбарии Саридораи геологияи ҶТ ба намояндагони ширкати Tethys Petroleum Limited барои кумаки молиявӣ дар амалисозии лоиҳаҳои қаблӣ минннатдорӣ изҳор намуда, зикр кард, ки ба туфайли ҳамкориҳои дуҷониба имрӯз дар бораи Тоҷикистон ҳамчун кишвари аз нигоҳи геологӣ сарватманд ва рушдёфта ҳарф мезананд.
Ширкати байнулмилалии нафту гази Tethys Petroleum Limited аз соли 2008 дар Тоҷикистон фаъолият дорад. Ахири моҳи июли соли 2012 мақомоти раҳбарии Tethys Petroleum изҳор карда буд, ки дар натиҷаи гузаронидани корҳои иктишофи геологӣ дар Тоҷикистон захираҳои хеле зиёди нафту газ ошкор шуданд, ки 27,5 млрд. баррели эквиваленти нафтиро ташкил медиҳанд ва 69%-и он ба гази табииву 31%-аш ба нафту конденсати газӣ рост меоянд.
Пас аз ин изҳорот ширкатҳои бузурги ҷаҳоние чун Total Exploration and Production («Total») ва Корпоратсияи миллии нафти Чин (CNPC) низ ба захираҳои нафту гази Тоҷикистон таваҷҷуҳ зоҳир карданд.
Аввали моҳи январи соли равон Сарраёсати Идораи геологияи назди ҳукумати ҶТ изҳор дошт, ки умедвор аст , сармоягузорӣ ба бахши нафту газ ва корҳои иктишофӣ дар ҷумҳурӣ аз ҷониби ширкатҳои Tethys, Total ва CNPC давоми соли 2014 оғоз меёбанд.
Зимни нишасти хабарӣ сардори тозатаъини Идораи мазкур Мурод Ҷумъаев дар ин робита изҳор кард, ки ширкатҳои Tethys, Total ва CNPC дар бозори нафту гази ҷаҳон аз ширкатҳои муваффақ шинохта шуда, ба Тоҷикистон рӯ овардани онҳо умедвориҳои зиёдеро ба бор меоварад. «Имсол онҳо самти корҳоро муайян хоҳанд кард», - гуфт ӯ.
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
Кулли ахбор
Авторизуйтесь, пожалуйста