Дар машварати корие, ки чанде қабл дар Бонки миллии Тоҷикистон (БМТ) бо роҳбарони бонкҳо, Ассотсиатсияи бонкҳои Тоҷикистон, Бюрои қарзӣ, Хазинаи суғуртаи амонати шахсони воқеӣ ва Ассотсиатсияи ташкилотҳои маблағгузории хурди ҷумҳурӣ баргузор гардид, роҳҳои саривақт ва босамар татбиқ намудани дастуру супоришҳои Президенти ҷумҳурӣ ба Маҷлиси Олии Ҷумҳурии Тоҷикистон ва вазъи низоми бонкӣ дар семоҳаи якуми соли 2014 барррасӣ шуданд.
Бино ба иттилои хадамоти матбуоти БМТ, дар оғози вохӯрӣ Раиси Бонки миллии Тоҷикистон Абдуҷаббор Ширинов диққати роҳбарони бонкҳоро ба амалӣ намудани бандҳои Паёми имсолаи Сарвари давлат, ки ба афзоиши ҷамъоварии амонатҳо, паст кардани фоизи қарзҳо, таъмини дастрасии аҳолӣ ба сарчашмаҳои қарзӣ ва зиёд намудани филиалҳои ташкилотҳои қарзӣ дар маҳалҳо равона карда шудааст, ҷалб намуд.
Ба иттилои манбаъ, дар ҷараёни машварат масъалаҳои муҳими низоми бонкӣ баррасӣ гаштанд, аз ҷумла: ҳамкории ташкилотҳои қарзӣ бо Бюрои қарзӣ ва истифодаи бонкҳо аз маълумотҳои он, пешгирии хавф ҳангоми додани қарзҳо, дастрасӣ ба қарзҳои хурд махсусан дар минтақаҳои дурдасти кӯҳистон, автоматизатсиякунии амалиётҳои бонкӣ, баланд бардоштани сатҳи дониш ва касбияти кормандони бонкҳо, таъмини сатҳи баланди ҳисоботҳо ва ғайра.
Гуфта мешавад, роҳбарони бонкҳо ва дигар иштирокдорони ҷаласа бо мақсади боз ҳам хубтар кардани фаъолияти муассисаҳои бонкӣ пешниҳодҳои худро оид ба масъалаҳои муҳокимашаванда пешкаш карданд.
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Кулли ахбор
Авторизуйтесь, пожалуйста