Шералӣ Кабир, ки дирӯз дар кобинаи нави Ҳукумати Тоҷикистон ба унвони вазири саноат ва технологияҳои нав муаррифӣ шуд, дар мақоми пешини худ – раиси Шӯрои мудирони Ширкати Алюминийи Тоҷик боқӣ мемонад. Дар ин бора яке аз манбаъҳои наздик ба Талко ба “Азия-Плюс” ба шарти набурдани номаш иттилоъ дод.
Аммо Игор Сатторов, сухангӯйи ин ширкат ба “Азия-Плюс” гуфт, ки онҳо дар бораи ин ҳеч иттилое надоранд. “Таъин шудани раиси Шӯрои мудирони Ширкат ба вазифаи вазири саноат ва технологияҳои нав барои мо ғайриинтизор буд. Ҳоло мо ҳеч иттилое надорем, ки раиси Шӯронав мешавад ё не”.
Аммо манбаи мо мегӯяд, ки дар сатҳи раҳбарии сиёсӣ тавофуқ ҳосил шудааст, ки Шералӣ Кабир ҳарду мақомро мудирият мекунанд, шояд дар оянда кадом тағйироте шавад, вале ҳоло ҳамин гуна тавофуқ сурат гирифтааст, мегӯяд манбаи мо.
Шералӣ Кабир яке аз чеҳраҳои маъруф дар доираҳои тиҷориву иқтисодии Тоҷикистон аст, ки бештар ҳамчун нафари наздик ба нухбагони сиёсии радаи аввали Тоҷикистон шинохта мешавад.
Шералӣ Кабир аз соли 2005 дар Ширкати алюминийи Тоҷик дар мансабҳои гуногун ва аз соли 2015 ба ин сӯ раиси Шӯрои мудирони ин ширкат аст.
Ширкати Талко яке аз бузургтарин корхонаҳои истеҳсол ва коркади алюминий дар кишварҳои пасошӯравӣ мебошад, ки дар ин авохир низ зерсохторҳои зиёде таъсис кард. Ин ширкат аз солҳои 2000 ба ин сӯ мавриди баҳсҳои гуногуне дар дохил ва дар хориҷи Тоҷикистон қарор дорад.
Дар пайи баҳсҳои зиёд Тоҷикистон ин ширкатро моликияти истисноии давлат эълон кард, ки фурӯхта намешавад. Вале соли гузашта хабарҳое расонаӣ шуд, ки Чин мехоҳад дар ин ширкат шарик шавад ё онро бихарад. Миёни Ширкати Алюминийи тоҷик ва China Machinery Engineering Corporation як қарордоди 545 миллионӣ баста шуд.
Аммо Ширкати Алюминийи тоҷик дар солҳои ахир истеҳсоли алюминийро ба маротиб кам кард, ки раҳбарии ин ширкат далели онро ба омилҳои гуногуне ҳамеша рабт додааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста