Байни Вазорати рушди иқтисод ва савдои Тоҷикистон ва ширкати Eging PV Technology Co., LTD-и Чин Ёддошти тафоҳум оид ба сохтмони неругоҳи барқи офтобӣ дар Минтақаи озоди иқтисодӣ (МОИ)-и «Панҷ» ба имзо расонида шуд. Дар ин бора дафтари матбуоти Вазорати рушди иқтисод ва савдои ҷумҳурӣ хабар медиҳад.
Гуфта мешавад, санад рӯзи 29 май аз ҷониби вазири рушди иқтисод ва савдои Тоҷикистон Завқӣ Завқизода ва намояндаи ширкати Eging PV Technology Co., LTD Менг Ёнгфанг имзо шуд.
“Ширкати мазкур тасмим гирифтааст, ки дар марҳилаи аввал сохтмони неругоҳи барқи офтобиро бо маблағи 150 млн. доллар бо иқтидори 200 МВт дар масоҳати 250 га замин дар ҳудуди МОИ «Панҷ» ба роҳ монад”, - омадааст дар хабари Вазорат.
Зимнан зикр мегардад, ки маблағи умумии сармоягузорӣ дар чор марҳила 1,5 млрд долларро ташкил медиҳад.
Қаблан Вазорати рушди иқтисод хабар дода буд, ки Корпоратсияи давлатии «China Pingmei Shenma Holding Group Co. Ltd»-и Чин дар самти бунёди неругоҳҳои барқи офтобӣ дар минтақаҳои озоди иқтисодии «Панҷ» ва «Данғара» бо иқтидори 1000 МВт (400 млн. доллар сармоягузорӣ) фаъолияти худро оғоз намудааст.
Як ҳафта пеш ширкати Global Solar Wafer-и Кореяи Ҷанубӣ ба сохтмони корхонаи истеҳсоли таҷҳизоти панелҳои офтобӣ дар МОИ “Данғара” оғоз кард. Дар гузоштани санги асоси сохтмони он президенти кишвар Эмомалӣ Раҳмон ҳузур дошт.
Тибқи маълумоти Вазорати энергетика, дар баробари гидроэнергетика, Тоҷикистон ба масоили азхудкунии сарчашмаҳои барқароршавандаи энергия, аз ҷумла энергеияи офтоб таваҷҷуҳ зоҳир мекунад, зеро зиёда аз 200 рӯз дар кишвар офтоб нурпошӣ мекунад.
МОИ “Панҷ” дар қаламрави ноҳияи Ҷайҳуни вилояти Хатлон ҷойгир шудааст. Ин минтақа соли 2009 таъсис дода шуда, дар он 12 субъект ба қайд гирифта шудааст. Аз ин миқдор дар соли 2023 танҳо 6 субъект фаъолият дошта, дар онҳо ба маблағи ҳудуди 31 млн сомонӣ (2,8 млн доллар) маҳсулот истеҳсол шудааст.
Рӯзи омӯзгорон. Сокинон дар бораи муаллими худ чӣ мегӯянд?
Адабиёт, мактаб ва расонаву филмҳо. Чӣ гуна забони меъёри тоҷикиро оммавӣ кунем?
"Шуълаи орзу". Филми мустанад дар бораи ҷавоне, ки мушкилиҳои зиндагӣ ӯро қаҳрамон кард
Истаравшан шаҳри умумиҷаҳонии ҳунармандӣ шуд. Ин шаҳр бо чӣ машҳур аст?
Ду медали Тоҷикистон дар мусобиқоти ҷудои ҷаҳон миёни ҷавонон
“Мехост хонаи давлатиро хусусӣ кунад” Ҷузъиёти боздошти роҳбари дастгоҳи шаҳри Истиқлол
Парлумони Тоҷикистон тартиби соддакунии ҳамлу нақли борро бо Ӯзбекистон тасдиқ кард
“Пул надоштам”. Милитсияи пойтахт навори ҷузъиёти ҳамла ба ронандаи “Як такси”-ро нашр кард
Нашри китоб дар бораи таърихи ҷанги шаҳрвандӣ ва корномаи Эмомалӣ Раҳмон бо забони арабӣ дар Миср
"Ба ихроҷ омода шавед". Дар Русия амалиёти “Нелегал-2024” мегузарад
Кулли ахбор
Авторизуйтесь, пожалуйста