Аз оғози соли равон зимни анҷоми корҳои таъмиру барқарорсозӣ дар майдони сохтмони нерӯгоҳи Роғун 2 нафар ҳалок ва боз 9 тани дигар ҷароҳат бардоштанд.
Аз Хадамоти назорати давлатии бехатарии корҳо дар саноат ва соҳаи кӯҳкории назди ҳукумати ҷумҳурӣ ба «Азия-Плюс» дар ин робита иттилоъ доданд, ки ҳамаи ҳалокшудагону осебдидагон шаҳрвандони Тоҷикистон мебошанд.
Дар ин давра зимни иҷрои корҳо дар кони металлҳои қиматбаҳои «Зарнисор» низ боз 6 нафар ҳалок ва 3 нафари дигар осеб дидаанд, ки коргарони корхонаи муштараки «Ширкати кӯҳӣ-саноатии Тоҷикистону Чин» мебошанд.
Ғайр аз ин, дар корхонаи муштараки «Анзоб»-и Тоҷикистону ИМА - 3 ҳодиса ва дар корхонаи истеҳсоли ангишти «Фон-Яғноб» - 2 ҳодисаи нохуш рух дода, ҳангоми истихроҷи ангишт дар кони «Шӯроб»-и минтақаи шимоли Тоҷикистон 2 нафар ба ҳалокат расидаанд.
Дар маҷмӯъ, тибқи маълумоти Хадамоти дар боло зикршуда, тӯли 6 моҳи соли ҷорӣ ҳангоми иҷрои корҳо дар иншооти саноатии ҷумҳурӣ 14 нафар ҳалок ва 14 нафари дигар ҷароҳат бардоштаанд.
«Аз рӯи ҳамаи ҳодисаҳои нохуши дар истеҳсолоти саноатӣ рухдода тафтишҳои махсуси техникӣ гузаронида шуда, натиҷаҳои он ба мақомоти ҳифзи ҳуқуқ фиристода шуданд», - гуфтанд дар хадамот.
Ба вуқӯъ пайвастани ҳодисаҳои нохушро дар саноат мутахассисони Хадамот ба риоя нашудани қоидаҳои техникии бехатарӣ дар саноат ва масоили тадорукотӣ нисбат медиҳанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста