Бар асари садамаи нақлиёт дар кишвари Краснодари Русия 6 нафар ҳалок ва 4 тани дигар ҷароҳат бардоштанд. Ҳамаи фавтидагон, тибқи маълумоти ВАО, зодагони Тоҷикистон – мусофирони автомашинаи “ВАЗ-2114” будаанд, ки ба мошини ёрии таъҷилӣ бархӯрдааст.
Дар ҳамин ҳол, Муҳиддин Вашгирдӣ, сокини ноҳияи Файзободи Тоҷикистон, дар саҳифаааш дар Фейсбук акси зани фавтидаро гузошта, ӯро аммаи худ номбар мекунад. Муҳиддин ба “Азия-Плюс” хабар дод, ки дар ин садама хешу ақрабои ӯ ҳалок шудаанд.
Бино ба гуфтаи ӯ, дар ин садама аммаи 68-солаи ӯ ва се нафар набераҳои 8, 10 ва 18-солааш ба ҳалокат расидаанд. Ҳамчунин хеши 22-солааш низ фавтидааст.
Боз як марди 22-солаи ҳалокшуда, ки дар автомашина қарор дошт, ба оилаи онҳо муносибат надошта, шахсияти ӯ муайян карда мешавад.
“Боз як набераи 11-солаи аммам бо ҷароҳатҳои вазнин дар бемористон бистарӣ аст. Ҷасадҳои фавтидагонро имрӯз ба Тоҷикистон мефиристанд”, - хабар дод Вашгирдӣ.
Ӯ ҳамчунин зикр кард, ки боз се тан осебдидагон аз ин садама – ронанда ва мусофирони мошини “ёрии таъҷилӣ” бо ҷароҳатҳо дар бемористон бистарианд.
“Бар асари садамаи нақлиёт 6 нафар мусофири автомашинаи ВАЗ дар ҷойи ҳодиса ҳалок шуданд, ки миёнашон 2 ноболиғон ҳастанд. Се нафар кормандони ёрии таъҷилӣ ва ҳамчунин 1 навраси 11-сола бо ҷароҳатҳои гуногун дар бемористон бистарӣ шуданд”, - хабар медиҳад дафтари матбуоти Сарраёсати ВКД дар кишвари Краснодар.
Гуфта мешавад, тибқи маълумоти пешакӣ, автомашинаи ВАЗ таҳти идораи ронандаи 18-сола қарор дошта, ӯ аз уҳдаи идораи воситаи нақлиёт намебарояд ва ба самти муқобили ҳаракат дар роҳ баромада, ба автомашинаи дигар бармехӯрад.
Бино ба тасдиқи, Муҳиддин Вашгирдӣ автомашинаисабукрави ВАЗ-ро ҷавони рус идора мекардааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста