Рӯзи 7 январ дар километри 80-уми роҳи мошингарди Душанбе-Чанок ронандаи автомашинаи “Опел”, сокини 62-солаи ноҳияи Деваштич аз уҳдаи идораи воситаи нақлиёт набаромада, автомашина ба ҷарии 400-метра сарозер меравад.
Кумитаи ҳолатҳои фавқулода хабар медиҳад, ки ӯ бо суръати баланд ҳаракат мекардааст. Садама дар наздикии мавзеи Зимарғи ҷамоати деҳоти Анзоби ноҳияи Айнии вилояти Суғд рух додааст.
Замони рух додани ин ҳодиса дар автомашина 6 нафар - ҳама сокинони ноҳияи Деваштичи вилояти Суғд ҳузур доштаанд.
“Мутаассифона, бар асари ҷароҳатҳои бардошта аз садама ронанда ва 4 мусофири автомашина, аз ҷумла 1 кӯдаки 7-сола дар ҷойи ҳодиса ҳалок шудаанд. Ҳамаи онҳо хешу табор ва ронанда ҳамсояашон будааст”, - иттилоъ медиҳад маркази матбуоти КҲФ.
Гуфта мешавад, боз як мусофири дигар - сокини 38-солаи ноҳияи Деваштич ҷароҳатҳои гуногуни ҷисмонӣ бардошта, дар беморхона бистарӣ шудааст.
“Сарфи назар аз чандин маротиба огоҳ кардан бобати ҳушёриро аз даст надодан зимни ҳаракат дар роҳҳои кӯҳӣ дар фасли зимистон, бархе аз ронандагон онро ба инобат нагирифта, натиҷааш ҷон бохтани одамон мегардад”, - қайд мекунанд дар Кумита.
Дар ин робита, Кумита боисрор аз ронандагон дархост мекунад, ки хеле ҳушёр буда, ҳаёти худу мусофиронро зери хатар нагузоранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста