ВКД боз аз як мавриди дигари ташкили фоҳишахона аз сӯйи як зани дигар хабар медиҳад. Дар ду ҳафтаи моҳи январи соли 2021 ин севумин мавридест, ки ин ниҳод аз боздошти занони гуногун бо гумони ташкили фоҳишахона иттилоъ ба нашр мерасонад.

Бино ба иттилои ин ниҳод кормандони пулис дар Истаравшан  зани 41-солаи сокини ҷамоати Сабристон ин шаҳро бо гумони  ташкил ва нигаҳдории фоҳишахона дастгир кардаанд.

“Номбурда, 5-уми январи соли 2021, дар ҳудуди шаҳри Истаравшан барои алоқаи ҷинсӣ намудани марди 27 ва зани 32-солаи сокинони шаҳри мазкур шароит муҳайё намуда, аз онҳо 100 сомонӣ мукофотпулӣ гирифтааст”,-мегӯяд ВКД.

Инчунин ба иттилои ин ниҳод  ин зан 9-уми декабри соли 2020, ба ҷавони 21 ва зани 32-солаи сокинони ҳамин шаҳр барои ҳамин кор шароит муҳайё намуда, аз онҳо 200 сомонӣ гирифтааст.

Ҳоло ВКД дар баробари ин зан бар асоси моддаи 239 қисми 1 Кодекси ҷиноятии Ҷумҳурии Тоҷикистон  парванда боз кардааст. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.