Раёсати корҳои дохилии Душанбе аз пайдо шудани кӯдаки 2-моҳае, ки дирӯз, 30-юми ноябр дар Душанбе дар назди дармонгоҳи рақами 13 (собиқи дармонгоҳи № 1) дуздида шуда буд, хабар медиҳад. Ба гуфтаи ин ниҳод нафари гумонбар дар дуздии кӯдак ҳам боздошт шудааст.
Бино ба иттилои РВКД Душанбе нафари гумонбар дар дуздии кӯлдаки 2-моҳа сокини 29-солаи ноҳияи Рӯдакӣ Нигора Ахмедова будааст.
Пулиси Душанбе мегӯяд, ки гумонбар дар дуздии кӯдакро соати 04.20 субҳ берун аз ҳудуди Душанбе боздошт кардаанд ва кӯдакро ҳам сиҳату саломат пайдо кардаанд.
Дафтари матбуоти РВКД Душанбе навиштааст, ки ин зан ҳангоми қарордошт дар дохили Дармонгоҳи тиббии шаҳрии рақами 13-и шаҳри Душанбе кӯдаки навзоди 2-моҳаро аз модараш барои нигоҳубини яклаҳзаина қабул ва сипас аз набудини модари кӯдак истифода намуда, кӯдакро гирифта ба самти номаълум ғайб задааст.
"Айни ҳол нисбати гумонбаршаванда Ахмедова Нигора тибқи талаботи моддаи 130 (одамрабоӣ)-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, ҷиҳати муайян намудани сабабу ҳадафҳои ҷиноятӣ ва даст доштани дигар иштирокчиён дар содир намудани ҷинояти мазкур чорабиниҳои тафтишотӣ идома доранд",- омадааст дар хабарномаи пулис.
Дирӯз шоҳидони ин ҳодиса ба «Азия-Плюс» аз рабуда шудани кӯдак хабар дода буданд. Пулиси Душанбе мегӯяд, ин ҳодиса дирӯз, тақрибан соати 15.00 рух додааст.
Яке аз шоҳидони ҳодиса дирӯз ба "Азия-Плюс" гуфта буд, ки "ҷавонзане бо кӯдакаш барои муоинаи назди духтур омада буд. Вале гуфтаанд, ки духтур бидуни дасткаш кӯдакро муоина намекунад ва дасткашро бояд худи корафтода биорад. Ҷавонзан барои харидани дасткаш рафтанӣ мешавад ва ба зани паҳлӯяш пешниҳод мекунад, ки метавонад то омаданаш кӯдакшро бигирад. Ҷавонзан гумон мекунад, ки ин корманди дармонгоҳ аст ва кӯдакро медиҳад. Аммо вақте бармегардад на он занро меёбаду на кӯдакашро".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста