Дар шаҳри Хуҷанди вилояти Суғд як модари 26-сола писарчаи ҳанӯз яксола ношудаи худро дар гаҳвора нафасгир карда куштааст. Мақомоти интизомӣ мегӯянд, ин ҷавонзан ба далели ин ки робитааш бо марди дигарро аз шавҳараш пинҳон кунад, фарзанди аз марди дигар таваллудкардаашро бӯғӣ карда ба ҳалокат мерасонад.
Раёсати умури дохилии вилояти Суғд дар як навори видеоӣ, аз ин зан Мутриба Розиқова, сокини 26-солаи шаҳри Хуҷанд ном бурда, мегӯяд, ки ӯ ба ҷурми одамкушӣ муттаҳам мешавад.
Манбаъ мегӯяд, ин ҷавонзан, "23-уми апрели имсол бо мақсади пинҳон кардани хиёнат ба шавҳар фарзанди аз марди дигар таваллуд кардаашро бо роҳи маҷбурӣ ба ҳалокат расонидааст. Писарчаи хурдсоли ӯ, бояд 26-уми майи имсол 1-сола мешуд, вале дар гаҳвора аз дасти модари худ кушта шудааст.
“Маълумот дар бораи ҷиноят замоне ба мақомоти таҳқиқу тафтишот дастрас гардид, ки кӯдаки солим ба таври ногаҳонӣ ба ҳалокат мерасад. Ва пайвандони бе ин ҳам ба рафтори келини хонадон шубҳа дошта ба табиӣ будани марги хурдсол бовар намекунанд. Зимни коркардҳои оперативӣ ва амалҳои тафтишии мақомоти милитсия ва прокуратура ҳақиқат доштани ин гумонро ошкор намуданд. То ин ки айби модари ҷавон пинҳон монад тавассути доштани роҳи нафас хурдсол дар дохили гаҳвора аз панҷаи дасти модари худ ба таври маҷбурӣ ба ҳалокат расонида мешавад. Ин фарзияест, ки тафтишоти пешакӣ тасдиқ менамояд”,-гуфта мешавад дар навори видеоии Раёсати умури дохилӣ.
Ҷавонзани дар куштори кӯдаки хурдсоли худ гумонбаршаванда низ, дар ин навор назди дурбини камера иқрор шудааст, ки “аз тарс ба ҳамин ҷиноят даст задам”.
Мақомоти додситонии шаҳри Хуҷанд нисбати ин ҳодиса аз рӯйи моддаи 104-и Кодекси ҷиноӣ парванда боз кардаааст.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста