Масҷиди ба номи “Чаҳор ёрон” дар шаҳри Ваҳдат субҳи рӯзи 23-юми январ ба коми оташ рафтааст. Сабаби сӯхтор “расиши ноқили барқ” гуфта мешавад. Дар ин бора Сулаймон Наҷмиддинов, мудири бахши танзими шаҳри Ваҳдат ба “Азия-Плюс” хабар дод.
Ба гуфтаи ӯ, сӯхтор соати 3-и субҳи рӯзи 23-юми январ ба вуҷуд омада, кормандони хадамоти оташнишонии шаҳр онро ба зудӣ хомӯш кардаанд.
“Масҷиди ба номи “Чаҳор ёрон” яке аз масоҷиди панҷвақтаи шаҳри Ваҳдат буда, ғунҷоиши 200 намозгузорро дошт. Бо сабаби расиши ноқилҳои барқ сӯхтор аз боми масҷид шурӯъ шуда, дару тирезаи онро сӯзонид ва дар натиҷа дохили масҷид ҳам оташ гирифт”, - шарҳ дод Сулаймон Наҷмиддинов.
Мудири бахши танзими шаҳри Ваҳдат таъкид кард, ки дар пайи сӯхтор ҳеҷ нафар зарар надид, вале ҳоло оқибати хисороти он муайян нашудааст.
Як сокини маҳаллӣ низ дар сӯҳбат бо мо ҳодисаро таъйид карда, гуфт, он шаб дар шаҳри Ваҳдат барқ буд.
Бояд гуфт, дар як ҳафтаи охир дар кишвар ин дувумин масҷиде мебошад, ки ба коми оташ меравад. Шаби 17 ба 18-уми январ масҷиди панҷвақтаи деҳаи Чаманистон дар шаҳри Ҳисор ҳам оташ гирифта буд.
Дар Хадамоти оташнишонии ВКД ба “Азия-Плюс” ҳафтаи қаблӣ сабаби оташсӯзии масҷид дар шаҳри Ҳисорро “истифодабарии фарши гарм” зикр карда буданд.
Гуфтан ба маврид аст, ки дар пайи сардиҳои ҳаво, дар кишвар ҳодисаи сӯхтор афзоиш ёфта, фавти одамон низ ба қайд гирифта шудаанд.
Аз ҷумла, 14-уми январ, дар манзили истиқоматии сокини Хуҷанди вилояти Суғд сӯхтор сар зад, ки дар пайи он як мӯйсафеди 70-сола фавтид. Ҳоло таҳқиқи ҳодиса ҷараён дорад, аммо масъулини идораи сӯхторхомӯшкунии вилояти Суғд сабаби асосии сӯхтор ва афзоиши онро сардиҳои дар ҷумҳурӣ ҳукмрон маънидод кардааст.
Ёдовар мешавем, ки аз 10-уми январ дар Тоҷикистон ҳавои сард ҳукмрон аст ва сокинон барои гарм кардани хонаҳову коргоҳи худ аз таҷҳизоти барқӣ истифода мекунанд ва ин боиси афзоиши ҳодисаи сӯхтор гардидааст.
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Аз бекор шудани маҳдудият ба фурӯши гази моеъ дар Душанбе нархи он каме поин рафт
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Идомаи сафари Эмомалӣ Раҳмон ба минтақаи Рашт. Аз ифтитоҳи чанд бино то нигаронӣ аз вазъи маорифу тандурустӣ
Ғалабаҳои аввалини намояндагони Тоҷикистон дар Олимпиадаи ҷаҳонии шоҳмот-2024
Пешниҳоди таъсиси “Маркази омӯзиши маорифи Мовароуннаҳр” дар Тоҷикистон
Кулли ахбор
Авторизуйтесь, пожалуйста