Душанбе. 22-уми август. ОИ «Азия-Плюс» - Кормандони Раёсати умури дохилӣ дар нақлиёти Вазорати корҳои дохилии ҷумҳурӣ ба гумони даст доштан дар қаллобӣ сокини 49-солаи ноҳияи Ҳисор Толиб Боймирзоевро, ки дар пайгарди қонунӣ қарор дошт, дастгир намуданд.
Сардори дафтари матбуоти Вазорати умури дохилии ҷумҳурӣ Маҳмадулло Асадуллоев ба ОИ «Азия-Плюс» хабар дод, ки номбурда моҳи сентябри соли 2006 аз хоҷагии деҳқонии «Хелисой»-и ноҳияи Ҳисор гӯё барои фурӯш дар Русия 144 тонна ангур гирифтааст, вале то ҳол аз ин ҳисоб беш аз 45 ҳазор сомониро пардохт накардааст.
«Баъди муроҷиати намояндагони хоҷагии деҳқонӣ ба мақомоти ҳифзи ҳуқуқ ӯ муддати ду сол бедарак шуд», - изҳор дошт манбаъ.
Бино ба иттилои манбаъ, зимни тафтиш маълум гардид, ки Т.Боймирзоев ҳамчунин дар содир намудани ҷинояти дигаре низ даст дорад. «Аввалҳои соли 2007 Т.Боймирзоев ба боварии сокини пойтахт Сайлуқмон Муродов даромада, аз ӯ бо баёнот
5 ҳазор доллари амрикоӣ қарз мегирад, вале дар мӯҳлати таъиншуда онро барнагардонида, боз пинҳон мешавад», - афзуд сарчашма. Аз рӯи далелҳои мазкур парвандаи ҷиноӣ оғоз гардида, тафтишот идома дорад.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста