Кормандони мақомоти андози шаҳри Бохтар барои гирифтани қариб 10 ҳазор сомонӣ аз як фурӯшандаи масолеҳи сохтмонӣ боздошт шуданд. Дар ин бора Агентии назорати давлатии молиявӣ ва мубориза бо коррупсияи ҶТ иттилоъ додааст.
“Расулов Акбаралӣ Каримович дар вазифаи муовини сардор – сардори шуъбаи Нозироти андоз дар шаҳри Бохтар кор карда истода, аз рӯйи маслиҳати пешакӣ бо мутахассиси ҳамин Нозирот Ҳотамов Тоҷидин Мусофирович бо мақсади ба даст овардани маблағи муфт аз шаҳрванд Сангов Д.С., ки дар шаҳри Бохтар ба фурӯши масолеҳи сохтмонӣ машғул буд, бо роҳи фиреб маблағи 10000 сомонӣ талаб намуданд”, - омадааст дар хабари Агентӣ.
Минбаъд Акбаралӣ Расулов ва Тоҷидин Ҳотамов бо мақсади ба анҷом расонидани нақшаи қаллобонаи худ аз Сангов Д.С. маблағи 5000 сомониро пешакӣ гирифта, 25-уми январи соли 2020 баъд аз гирифтани маблағи 4150 сомонии дигар дар ҷойи ҳодиса дастгир шуданд.
Нисбат ба Расулов А.К. ва Ҳотамов Т.М. бо моддаи 247 қисми 2 бандҳои “б,в,г” КҶ ҶТ (Қаллобӣ) парвандаи ҷиноятӣ оғоз карда шуда, тафтиши пешакии он идома дорад.
Тибқи муқаррароти ин моддаи Кодекси ҷиноятии Тоҷикистон, қаллобие, ки аз ҷониби гурӯҳи шахсон бо маслиҳати пешакӣ, расонидани зарари ҷиддӣ ба шаҳрванд ва истифодаи мақоми хизматӣ содир шудааст, бо ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои ҳисобҳо (аз 21170 сомонӣ то 52896 сомонӣ) ё маҳрум сохтан аз озодӣ ба муҳлати аз 2 то 5 сол бо маҳрум кардан аз ҳуқуқи ишғоли мансабҳои муайян ё машғул шудан бо фаъолияти муайян ба муҳлати то 5 сол ё бидуни он ҷазо дода мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Кулли ахбор
Авторизуйтесь, пожалуйста