Имрӯз волидони Далер Шарифов, рӯзноманигори зиндонии тоҷик вобаста ба рад шудани пешниҳоди пеш аз муҳлат озод кардани писарашон ба Додситонии кулл, Кумитаи давлатии амният ва Сарраёсати иҷрои ҷазои ҷиноятии Вазорати адлия дархост пешниҳод намуданд. Дар ин бора ҳамсари Далер Шарифов Саида Қурбонова ба “Азия-Плюс” иттилоъ дод.
Ба гуфтаи ҳамсари рӯзноманигори зиндонӣ, қаблан рӯзи 18-уми сентябр, дархости Муассисаи ислоҳии 3/6-и ноҳияи Ёвон барои пеш аз муҳлат озод кардани далер Шарифов аз сӯйи Идораи зиндонҳои Вазорати адлияи кишвар рад шуда буд.
“Зиндони Ёвон, ки Далер он ҷо адои ҷазо мекунад, ба Идораи зиндонҳои ВА дархости раҳоии пеш аз муҳлати Далерро карда буд. Бо сабабҳои номаълум дархост рад шуд. Ҳоло волидони Далер тасмим гирифтанд худашон расман барои пеш аз муҳлат озод кардани писарашон дархостро ба се ниҳод пешниҳод кунанд”, - илова кард Қурбонова.
Ба гуфтаи ҳамсари Далер, то ҳол далели рад шудани дархост аз ҷониби ниҳоди мазкур шарҳ дода нашудааст. Вале мегӯяд. “шояд баъди расонаӣ шудан, расман далели рад шудан шарҳ дода шавад”.
Саида Қурбонова ҳамсари рӯзноманигори зиндонӣ ҳамчунин илова кард, ки вазъи саломатии ҳамсараш хуб нест ва рӯзи душанбе барои ӯ доруҳои дархостшударо фиристодаанд.
Падару модари рӯзноманигори зиндонӣ дар ин дархости худ гуфтаанд, ки “писари мо маҳкумшуда Шарипов Далерҷон Абдуманнонович аллакай аз нисф зиёди муҳлати ҷазоро (8 моҳ) адо намуда, зимни адои ҷазо тартиботи ҷорӣ дар муассисаро халалдор накардаст. Аммо ду маротиба аст, ки пешниҳоди парвандаи ӯ ба колонияи ислоҳии сукунатӣ аз ҷониби Сарраёсати иҷрои ҷазои ҷиноӣ рад карда мешавад. Ин амал боиси фишори равонӣ ба худи Далер ва волидонаш гашта, давоми чор рӯз аст, ки фишорбаландӣ моро азият медиҳад. Пештар ҳам дар хусуси саломатии писарамон навишта будем, ки ӯ аз дарди қалб ва фишорбаландӣ ранҷ мебарад ва рӯзҳои ахир воқеан ин бемориҳо дар ӯ хуруҷ кардааст”.
Ҳамсари рӯзноманигор Далер Шарифов ва волидони ӯ умед доранд, ки баъди муроҷиати расмии онҳо Далер аз зиндон озод карда мешавад.
Хотиррасон мешавем, ки Далер Шарифов, 28-уми январи 2020 аз сӯйи Кумитаи давлатии амнияти миллӣ боздошт шуд ва додгоҳи ноҳияи Шоҳмансури пойтахт 16-уми апрел ӯро барои “барангехтани кинаву адовати милливу мазҳабӣ” муҷрим шинохт.
Баъди боздошти Далер Шарифов дар баробари созмонҳои миллӣ, ҳамчунин созмонҳои Дидбони Ҳуқуқи Башар, Афви Байналмилал, Ҳамкории Байналмилалӣ Барои Ҳуқуқи Инсон, Кумитаи Норвегии Ҳелсинки, Кумитаи дифоъ аз хабарнигорон борҳо аз ҳукумат хостаанд, Далер Шарифовро озод кунад. Ҳатто созмони ҳомии ҳуқуқи Freedom-Now ба як гурӯҳи махсуси Созмони Милали муттаҳид расман муроҷиат кардааст, ки то куҷо қонунӣ будани боздошт ва зиндонӣ кардани Далер Шарифовро таҳқиқ кунад ва хулосаҳояшро бигӯяд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста