Давоми 11 моҳи соли равон дар вилояти Суғд 441 ҷинояти вобаста ба фасод ошкор гардидааст, ки 207 адади он ҷиноятҳои вазнин мебошад. Дар натиҷа, 28,6 миллион сомонӣ зарари молиявӣ ошкор ва 28,5 миллион сомонии он барқарор карда шудааст. Дар ин бора Ҷӯрақул Наврӯззода, сарнозири бахши ташкили кор, назорат, таҳлил, иттилоот ва омори Раёсати Агентии назорати давлатии молиявӣ ва мубориза бо коррупсия дар вилояти Суғд ба Азия-Плюс иттилоъ дод.
Ба иттилои манбаъ, дар соҳаи тандурустӣ 64 ҷиноят нисбати 15 нафар, маориф 40 ҷиноят нисбати 27 нафар, сохторҳои бонкӣ 46 ҷиноят нисбати 4 нафар, бахши Кумитаи замин 21 ҷиноят нисбати 16 нафар, мақомоти иҷроияи ҳокимияти давлатӣ ва зерсохторҳои он 39 ҷиноят нисбати 23 нафар, зерсохторҳои ширкати “Барқи тоҷик” дар вилоят 13 ҷиноят нисбати 10 нафар ба қайд гирифта шудааст.
“Вобаста ба хариду фурӯши ғайриқонунии замин бошад дар ин давра 58 ҷиноят нисбати 33 нафар ошкор гардида, айни замон тафтишот дар ин самт идома дорад,” гуфт Ҷӯрақул Наврӯззода.
Бино ба иттилои Ҷӯрақул Наврӯззода, ҷиноятҳои коррупсионӣ бештар дар шаҳру ноҳияҳои Хуҷанд-91 адад, Бобоҷон Ғафуров-49 адад, Спитамен-48 адад ва Ҷаббор Расулов-32 адад ба қайд гирифта шудааст.
Бояд гуфт, ки ҳамасола санаи 9-уми декабр Рӯзи байналмилалии мубориза бар зидди коррупсия қайд карда мешавад. Дар Тоҷикистон низ бо мақсади пешгирӣ ва ошкор кардани ҷиноятҳои коррупсионӣ аз 10-уми январи соли 2007 мақоми махсус таъсис дода шуд.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста