Дар ҷаласаи навбатии Шӯрои Маҷлиси намояндагони Маҷлиси Олии Ҷумҳурии Тоҷикистон, ки имрӯз 13-уми феврал таҳти раёсати Раиси Маҷлиси намояндагон Шукурҷон Зуҳуров баргузор гардид, як қатор масъалаҳои ҳаётан муҳим баррасӣ шуданд.
Тавре котиби матбуотии палатаи поёнии парлумони кишвар Муҳаммаато Султонеов хабар дод, дар ҷаласаи Шӯро лоиҳаҳои қонунҳои Ҷумҳурии Тоҷикистон «Дар бораи занбӯриасалпарварӣ», «Дар бораи таҳсилоти иловагӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи тарбияи ҷисмонӣ ва варзиш», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи суғуртаи давлатии иҷтимоӣ», «Дар бораи ворид намудани тағйирот ба Кодекси замини Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон», «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон», «Дар бораи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон», «Дар бораи ворид намудани тағйиру иловаҳо ба Кодекси мурофиавии ҷиноятии Ҷумҳурии Тоҷикистон» ва лоиҳаи Қонуни конститутсионии Ҷумҳурии Тоҷикистон «Дар бораи ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон» мавриди баҳсу баррасӣ қарор гирифтанд.
Аъзои Шӯрои Маҷлиси намояндагон, ҳамчунин, ба як қатор қарорҳои Шӯрои Маҷлиси намояндагон, аз ҷумла «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Вулуси Ҷиргаи Шӯрои миллии Ҷумҳурии Исломии Афғонистон, Парлумони Ҷумҳурии Арманистон, Ассамблеяи миллии Маҷлиси Шӯрои Ҷумҳурии Исломии Покистон, Маҷлиси Шӯрои Исломии Эрон, Верховная Радаи Украина, Маҷлиси Умумихитоии намояндагони халқи Ҷумҳурии Халқии Хитой ва Палатаи намояндагони Парлумони Япония» тағйирот ворид карда, ҳамзамон ташкили Гурӯҳҳои дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Шоҳигарии Белгия, Парлумони (Сейми) Ҷумҳурии Латвия, Парлумони Ҷумҳурии Финляндия, Парлумони Ҷумҳурии Муғулистон ва Парлумони (Сейми) Ҷумҳурии Литваро барои тақвияти ҳамкории байнипарлумонии Ҷумҳурии Тоҷикистон ва ин кишварҳо муҳим арзёбӣ карданд.
Дар ҷаласаи Шӯро, инчунин, ба қарорҳои Шӯрои Маҷлиси намояндагони Маҷлиси Олии Ҷумҳурии Тоҷикистон «Дар бораи пешниҳоди вакилони Маҷлиси намояндагони Маҷлиси Олии Ҷумҳурии Тоҷикистон ба ҳайати Комиссияҳои доимии Ассамблеяи Байнипарлумонии давлатҳои иштирокчии Иттиҳоди Давлатҳои Мустақил ва ба ҳайати Ассамблеяи байнипарлумонии Иттиҳоди иқтисодии Евросиё» тағйирот ворид карда шуд. Дар хотима аъзои Шӯрои Маҷлиси намояндагон масъалаҳо дар бораи даъват кардани ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон ва «Дар бораи рӯзномаи ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати чорум»-ро муҳокима карданд.
Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров вобаста ба масъалаҳои рӯзномаи Шӯро изҳори назар карда, хостори тақвияти ҳамкории Гурӯҳҳои дӯстии Маҷлиси намояндагон бо парлумонҳои кишварҳои хориҷӣ шуд. Мавсуф ҳамчунин бар ҷоннок кардани ин равобит таъкид намуд.
Аз рӯи масъалаҳои ба рӯзномаи ҷаласаи Шӯро воридшуда аъзои Шӯро Саиди Ёқубзод, Марҳаббо Ҷабборова ва Олим Салимзода фикру андешаҳои худро иброз доштанд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста