Шӯрои сиёсии Ҳизби наҳзати исломии Тоҷикистон бар ин назар аст, ки болоравии тарофаҳои нархи истифодаи барқ ба сатҳи зиндагии аҳолии ҷумҳурӣ таъсири манфӣ мерасонад.
Тавре аз қароргоҳи марказии ҲНИТ хабар доданд, Шӯрои сиёсии Ҳизби наҳзати исломии Тоҷикистон дар ҷаласаи худ аз 12- уми марти соли ҷорӣ вазъи иқтисодӣ-иҷтимоии кишвар, аз ҷумла тасмими ахири Ҳукумати Ҷумҳурии Тоҷикистонро дар бораи баланд бардоштани нархи барқ баррасӣ намуда, қисме аз онро номуносиб ба шароити имрӯзаи зиндагии мардум, бахусус қишри камбизоати он арзёбӣ кард.
«Боло бурдани нархи истифодаи барқ барои аҳолӣ ба миқдори бештар аз 20%, ба вазъи бе ин ҳам душвори мардум таъсири манфӣ мерасонад ва ин боиси нигаронист. Шакке нест, ки анҷоми ислоҳот дар соҳаи мазкур гоҳо водор менамояд, ки дар нархи истифодаи барқ ҳам тағйирот ворид гардад. Вале, мақомот бояд сиёсати нархгузориро бо дарназардошти шароити мардум амалӣ намояд», - зикр мегардад дар изҳороти ҳизб.
Дар ҳамин ҳол, Шӯрои сиёсии ҲНИТ чунин мешуморад, ки далел овардани тавсияи созмонҳои байналмилаллӣ дар боло бурдани нархи барқ канор рафтани мақомот аз масъулияти хеш назди мардуми Тоҷикистон аст.
«Дар ҳоле, ки тавсияҳои сершумори созмонҳои байналмилаллӣ дар бораи интихоботҳои шаффоф, риояи ҳуқуқу озодиҳои шаҳрвандон ва ислоҳоти сиёсӣ даҳсолаҳо боз бе таваҷҷӯҳ боқӣ мемонад, такя намудан ба чунин тавсияҳо чандон мантиқӣ нест», - омадааст дар изҳорот.
Шӯрои сиёсии ҲНИТ ҳамчунин пешниҳод намуд, ки ҳоло то ҷорӣ шудани ин тасмим фурсат ҳаст ва Ҳукумати Ҷумҳӯрии Тоҷикистонро мебояд қарори худро қисман тағйир дода, нархи истифодаи барқро ба аҳолӣ дар сатҳи аввал нигоҳ дорад. «Ҳамзамон, дар сиёсати истифодаи имтиёзноки барқ барои баъзе корхонаҳои саноатии бузург, ки барқро бо нархҳои пасттар аз аҳолӣ харидорӣ менамоянд, таҷдиди назар мебояд», - гуфта мешавад дар изҳорот.
Ёдрас мекунем, ки аз 1-уми апрели соли равон дар Тоҷикистон тарофаҳои нави истифодаи нерӯи барқ ҷорӣ карда мешаванд. Арзиши як кВт/соат нерӯи барқ барои аҳолӣ бо назардошти андоз аз арзиши изофа 11 дирамро ташкил хоҳад дод. Ин нишондиҳанда нисбат ба тарофаҳои ҳозира ба ҳисоби миёна ба миқдори 20 дарсад бештар аст.
Бори ахир тарофаҳои истифодаи нерӯи барқ дар Тоҷикистон аввали соли 2010 боло рафта буданд. Қаблан Бонки ҷаҳонӣ ба Тоҷикистон тавсия дода буд, ки тарофаҳои истифодаи нерӯи барқ тадриҷан то 3,5 сент расонида шаванд.
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
Кулли ахбор
Авторизуйтесь, пожалуйста