Вакили Парлумони Аврупо дар муроҷиати худ ба мақомоти раҳбарии Тоҷикистону Ӯзбекистон изҳор доштааст, ки аз иттилоот оид ба идомаи шиддатҳо байни Тоҷикистон ва Ӯзбекистон ғамгин аст.
«Ин ду миллати хуб дар Осиёи Марказӣ бо одамони бағояту олиҳиммат ба сулҳ ва субот ҷидду ҷаҳд доранд. Аҳолии камбизоати ин ду кишвар барои пеш бурдани зиндагӣ, ки бо тезутундшавии робитаҳо миёни ду давлат, бастани роҳи оҳан, қатъ гардидани газ ва буридани хатти интиқоли барқ мушкил шудааст, мубориза бурда истодаанд», - гуфтааст вай.
Ба андешаи ӯ, чунин масъалаҳо ҳаёти шахсони оддиро боз ҳам мушкил мегардонад. «Ғайр аз ин чунин масъалаҳо ба иқтисодиёти ду кишвар таъсири манфӣ мерасонад. Беҳтар гардидани муносибатҳо байни Тоҷикистону Ӯзбекистон ба робитаҳои тиҷоратӣ имконият медиҳад, ки он ба баландшавии маҷмӯи маҳсулоти дохилии ду кишвар мусоидат менамояд. Ба назарам сиёсати ғайрисозандаи робитаҳо байни давлатҳо ба нокомӣ меорад», - омадааст дар муроҷиатномаи вакил.
Номбурда гуфтааст, айбдор намудани Тоҷикистон дар сохтмони НОБ-и Роғун дар дарёи Вахш барои Ӯзбекистон баҳонаи сарчашмаи низоъ шуда наметавонад.
Ба қавли Стивенсон, гидроэнергетика сарчашмаи нерӯи тоза ва бехатар буда, рушди минбаъдаи он ба манфиати кишварҳои ҳавзаи Арал, аз ҷумла Афғонистон мебошад.
«Оқилона мешуд, агар роҳбарияти Ӯзбекистон ва Тоҷикистон якҷоя ҷамъ меомаданд ва ихтилофҳоро бо роҳи мусолиҳатомез ҳаллу фасл менамуданд ва сипас аз натиҷаи он даромади барзиёд ба манфиати ду кишвар баҳрабардорӣ менамуданд. Ман хушҳол мешудам, ки дар чунин вохӯрӣ дар қаламравӣ бетараф дар Парлумони Аврупо ба сифати миёнарав баромад намоям», - афзудааст С.Стивенсон.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста