Сафири Афғонистон дар Тоҷикистон Муҳаммад Зоҳир Ағбар нусхаи эътимодномаро ба Сироҷиддин Муҳриддин, вазири корҳои хориҷии Тоҷикистон супорид.
Бино ба иттилои Вазорати корҳои хориҷии ҶТ, вазири корҳои хориҷии Тоҷикистон Муҳаммад Зоҳир Ағбарро бо таъйин шуданаш ба вазифаи пурмасъул табрик гуфта, ба ӯ дар ҷодаи рушди ҳамкориҳои дуҷониба дар асоси принсипҳои дӯстӣ ва ҳамсоягии нек муваффақият таманно кард.
“Дар ҷараёни мулоқот ҷонибҳо масъалаҳои мубрами муносибатҳои дуҷонибаи Тоҷикистону Афғонистон, аз ҷумла, таҳкими ҳамкориҳои наздисарҳадиро баррасӣ намуда, нақшаҳоро барои ояндаи наздик муайян карданд”, - омадааст дар хабари ВКХ.
Гуфта мешавад, зимни мулоқот атрофи мавзӯъҳои ҳамкории минтақавӣ ва роҳҳои фаъолтар кардани кори абзори дуҷониба, аз қабили комиссияҳои байниҳукуматии ду кишвар табодули назар сурат пазируфт.
Сафири нави Афғонистон дар Тоҷикистон ба ҷойи Залмай Юнусӣ, ки ҳанӯз моҳи майи соли 2018 мансабашро тарк карда буд, таъин шуд.
Маълум аст, ки генерал-лейтенанти артиши Афғонистон Муҳаммад Зоҳир Ағбар замоне ба ҳайси роҳбари Кумитаи олимпии Афғонистон ва консули генералии ин кишвар дар Мюнхен (Олмон) ифои вазифа кардааст.
Муҳаммад Зоҳир Ағбар соли 1964 дар маркази вилояти Нангарҳор таваллуд шудааст. Падари ӯ Муинуддин ба сифати афсари ҳукуматӣ хизмат карда, писарашро ҳам ба ин роҳ ҳидоят намудааст. Аз ин рӯ, Зоҳир Ағбар пас аз хатми синфи 9 ба омӯзишгоҳи ҳарбӣ дохил шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Кулли ахбор
Авторизуйтесь, пожалуйста