Вакилони палатаи поёнии парлумони Тоҷикистон бо пешниҳоди президенти ҷумҳурӣ Эмомалӣ Раҳмон тағйироту иловаҳоро ба Оинномаи Созмони Аҳдномаи амнияти дастаҷамъӣ (СААД), ки қаблан дар сатҳи Шӯрои сарони кишварҳои узви Созмон қабул шуда буданд, тасдиқ карданд.
Муовини вазири мудофиаи Тоҷикистон генерал-лейтенант Эмомалӣ Собирзода зимни суханрониаш дар ин хусус қайд кард, ки мувофиқи тағйироту иловаҳо, минбаъд ба ҳайати Шӯрои сарони кишварҳои узви СААД ба ғайр аз президентҳои кишварҳои аъзо, роҳбарони ҳукуматҳои давлатҳои узви Созмон низ шомил шуда метавонанд.
Ғайр аз ин, тибқи тағйироти тасдиқшуда, минбаъд Дабири кулли СААД, муовини ӯ ва аъзои оилаи онҳо мақоми дахолатнопазирии дипломатӣ мегиранд.
Ёдрас мекунем, ки таъсиси СААД аз имзои Шатнома дар бораи амнияти дастаҷамъӣ дар Тошканд (Ӯзбекистон) 15 майи соли 1992 аз ҷониби сарони кишварҳои Арманистон, Қазоқистон, Қирғизистон, Русия, Тоҷикистон ва Ӯзбекистон оғоз гардид. Баъдан соли 1993 ба он Озарбойҷон, Беларус ва Гурҷистон ҳамроҳ шуданд. Бо анҷоми расмиёт дар сатҳи миллӣ Шартнома 20 апрели соли 1994 мавриди амал қарор гирифт.
Соли 1999 Арманистон, Беларус, Қазоқистон, Қирғизистон, Русия ва Тоҷикистон Санад (Протокол) дар бораи тамдиди муҳлати амали СААД-ро ба имзо расониданд, ки бар асоси он ҳайати нави кишварҳои узв ташкил шуда, тартиби автоматии дароз кардани муҳлати амали Шартнома дар давраҳои панҷсола муқаррар шуд (Озарбойҷон, Гурҷистон ва Ӯзбекистон) аз узвият дар Созмон даст кашиданд).
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
Кулли ахбор
Авторизуйтесь, пожалуйста