Абдусалом Ҳанафӣ, муовини нахуствазири Толибон (фаъолияташ дар Тоҷикистон ва бисёре аз кишварҳо манъшуда), ки дар гуфтушуниди Маскав раёсати ҳайати ширкаткунандаи Толибонро бар уҳда дошт, ба рӯзноманигорон изҳор намуд, ки ҳукумати аз ҷониби ин ҳаракат таъсисёфта амниятро барои тамоми мардуми Афғонистон таъмин намудааст.
“Ҳуқуқи шаҳрвандон таъмин аст ва феълан ҳеқ кас бар асоси қавм, забон ва ҷинсият зери пайгарди қазоӣ нест. Ин ҳаққи мардуми Афғонистон аст, ки ҳукумати ҷадид ба расмият шинохта шавад”, - иброз дошт вай.
Ин намояндаи Толибон дар идома гуфт, ки агар ҳукумати ҷадид ба расмият шинохта нашавад, дар Афғонистон гуруҳҳое, ки амниятро халалдор мекунанд, тақвият меёбанд.
“Ҳеҷ гурӯҳеро иҷоза намедиҳем, ки амнияти Афғонистонро халалдор бисозад ва ё бар зидди амнияти кишварҳои ҳамсоя, минтақа ва ҷаҳон аз дохили Афғонистон амалиётеро анҷом бидиҳад”,- гуфт ӯ.
Муовини нахуствазири Толибон мегӯяд, ки “ба кишварҳои ҳамсоя, минтақа ва ҷаҳон итминон медиҳем, ки Афғонистон ҳеҷ гоҳ қароргоҳи касоне нахоҳад буд, ки онҳо аз хоки Афғонистон амнияти дигар кишварҳоро тахриб бикунанд”.
Дар ҳамин ҳол, вазири корҳои хориҷии Русия Сергей Лавров аз Толибон даъват кардааст, ки Афғонистонро ба пойгоҳи амал зидди кишварҳои ҳамсоя табдил надиҳанд.
“Русия аз ҳаракати Толибон даъват мекунад, ки қаламрави Афғонистонро ба сифати пойгоҳ барои амал алайҳи кишварҳои ҳамсоя истифода набаранд”, - изҳор доштааст Лавров.
Ёдовар мешавем, ки ҷаласаи сеюм оид ба Афғонистон дар “формати Маскав” дирӯз дар Маскав баргузор гардид. Дар вохӯрӣ намояндагони даҳ кишвари минтақа ва ҳайати толибон иштирок намуданд. Намояндагони ҳукумати пешинаи Афғонистон, инчунин Ҷабҳаи муқовимат дар вохӯрӣ ҳузур надоштанд.
Тоҷикистонро дар ин вохӯрӣ сардори Раёсати таҳқиқоти стратегии Вазорати корҳои хориҷии ҷумҳурӣ Вафо Алибек Ниятбекзода намояндагӣ мекунад.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста