Дар ҷаласаи навбатии иҷлосияи панҷуми Маҷлиси намояндагони Маҷлиси Олии Тоҷикистон таҳти раёсати раиси палатаи поёнии парлумони ҷумҳурӣ Шукурҷон Зуҳуров лоиҳаи ворид намудани тағйироту илова ба Қонуни ҶТ «Дар бораи маҷлисҳо, гирдиҳамоиҳо, намоишҳо ва роҳпаймоиҳо» маъқул шуморида шуд.

Мувофиқи тағйироту илова ба қонуни мазкур, шахсони ғайриқонунӣ истифодабарандаи «коктейлҳои Молотов» дар макони маҷлисҳову гирдиҳамоиҳои шаҳрвандон ва ҷойи издиҳоми мардум, ба шахсоне баробар карда мешаванд, ки ғайриқонунӣ аз силоҳи оташфишон истифода мекунанд.

Мутобиқи қонунгузории Тоҷикистон, дар чунин ҳолатҳо кормандони мақомоти ҳифзи ҳуқуқ ба истифодаи бетаъхири силоҳи оташфишон нисбати ин гуна шахсон ваколат доранд.