Қирғизистон даъвояш бар сари сокини ҷамоати Ворухи Исфара Фурқат Абдуфатоевро дигар кардааст. Ин бор Раёсати корҳои дохилии Бодканди Қирғизистон дар номае ба мақомоти тафтишотии Бошқирдистон иддао кардааст, ки Абдуфаттоев моҳи июли соли 2019 роҳи байни Воруху Оқсой (марзи Тоҷикистону Қирғизистон)-ро баста, "ба бетартибӣ роҳ дод".
Дигар шудани даъвои ҷониби Қирғизистон дар ҳолест, ки пештар аз ин кишвар даъво дошт Абдуфаттоев 13-уми марти соли 2019 дар як моҷарои марзӣ ширкат кардаву сокинонро таҳрик додааст ва аз Русия талаб карда буд ӯро ба ин кишвар истирдод кунад.
Ҳоло Раёсати корҳои дохилии вилояти Бодканди ин кишвар дар номае ба мақомоти тафтишотии Бошқирдистон иддао кардааст, ки Абдуфаттоев моҳи июли соли 2019 роҳи байни Воруху Оқсой (марзи Тоҷикистону Қирғизистон)-ро баста, "ба бетартибӣ роҳ дод".
Додгоҳи олии Бошқирдистони Русия ҳам бар пояи даъвои нави Бишкек муҳлати Абдуфаттоевро ду моҳи дигар дароз кард.
Пас аз сар задани ин моҷаро ҷониби Тоҷикисон Фурқат Абдуфатоевро бегуноҳ хонад, асноди лозимро барои исботи бегуноҳии ӯ ба ҷониби Русия фиристода буд.
Додситонии вилояти Суғд ҳам Фурқат Абдуфаттоевро дар бетартибиҳои сарҳадии 13-уми марти соли 2019 дар марзи Қирғизистону Тоҷикистон гунаҳкор намедонад. Дар ин бора Давлат Сафаров, сардори шуъбаи тафтишотии додситонии вилоят зимни нишасти матбуотии ин ниҳод хабар дода буд.
"Аз ҷониби мақомоти Прокуратураи ҳарбии гарнизони Суғд, ки ин парвандаи ҷиноӣ аз ҷониби онҳо тафтиш карда шудааст, маълумотномаҳои дахлдор тартиб дода шуда ба Русия ирсол карда шудааст. Ва айни замон масъалаи озод кардани шаҳрванди Тоҷикистон дар Русия баррасӣ шуда истодааст",-гуфта буд ин мақоми додситонӣ.
Дар ҳоли ҳозир наздикони Фурқат Абдуфаттоев ҳарду иттиҳомро намепазиранд ва мегӯянд, ӯ дар ягон низои сарҳадӣ ширкат накардааст.
Раёсати корҳои дохилии Бодканд дар огоҳномаи наве, ки нусхаи он дастраси Радиои Озодӣ шудааст, иддао кардааст: "Фурқат Абдуфаттоев ҳамроҳи сокинони дигари ҷамоати Ворух – Толиб Юсуфов, Диловар Ҷӯраев, Наҷмиддин Неъматов, Рустам Мирзоев ва дигарон (ҳудуди 70 нафар) рӯзи 22-юми июли соли 2019 роҳи Оқсой ва Ворухро бастанд. Онҳо бо мошин сангреза оварда, ба бетартибӣ роҳ доданд. Ҳадафи онҳо зарари ҷисмонӣ расондан ба сокинони Қирғизистон буд".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Кулли ахбор
Авторизуйтесь, пожалуйста