Шаҳри Душанбе нақшаи даъвати баҳорӣ ба хидмати ҳатмии ҳарбиро иҷро кард. Дар ин бора ба “Азия-Плюс” сардори маркази матбуоти Вазорати мудофиаи ҷумҳурӣ полковник Фаридун Маҳмадализода хабар дод.
Ба гуфтаи ӯ, ҳамаи ноҳияҳои пойтахт соли ҳафтум инҷониб пеш аз муҳлат нақшаи даъватро иҷро мекунанд.
Полковник қайд кард, ки то субҳи имрӯз нақшаи даъват дар саросари ҷумҳурӣ 70%: ВМКБ - 100%, вилояти Хатлон - 65%, Суғд - 53,3% ва Ноҳияҳои тобеи марказ - 85,3% ба иҷро расидааст.
Маъракаи даъвати баҳорӣ ба хидмати ҳатмии ҳарбӣ ду моҳ - апрел ва май ҷараён мегирад. Шаҳрвандони синни аз 18 то 27-сола, ки ба таъхири муҳлати хидмат ё озод будан аз хидмати ҳарбӣ ҳуқуқ надоранд, ба хидмат даъват карда мешаванд.
Дар ҳамин ҳол, ҳарчанд дар бораи хидмати ҳарбӣ қонуни нав қабул шуда бошад ҳам, ҳолатҳои сарбозшикор ё ба истилоҳ “облава” дар ҷараёни даъват хотима наёфтанд. Ҳамарӯза дар шабакаҳои иҷтимоӣ дар бораи аз ҷониби шахсони номаълум маҷбурӣ ба хидмат ҷалб кардани ҷавонон маълумот нашр мешавад.
Ин ҳодисаҳо натанҳо дар хонаи даъватшаванда, балки макони издиҳоми мардум - бозору мағоза, вокзалу истгоҳҳо, нақлиёти ҷамъиятӣ рух медиҳанд ва дида мешавад, ки чӣ гуна ҷавононро дастгир ва маҷбурӣ ба автомашинаҳо шинонида, ба комиссариатҳои ҳарбӣ мебаранд.
Мақомоти давлатӣ ин далелҳоро рад намуда, комилан ваҷҳи дигар меоранд. Вазорати мудофиа хабар медиҳад, ки шахсоне, ки даъватшавандагонро дастгир мекунанд, намояндагони онҳо нестанд.
Ҳукуматҳои маҳаллӣ ҳисобот медиҳанд, ки имсол шумори ихтиёриён ё худ хоҳишмандони хидмат зиёд буд.
Ва ҳеҷ касе ба истифодаи тарзу усули ғайриқонунии даъват ба хизмати ҳарбӣ дар артиш таваҷҷуҳ зоҳир намекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста