Душанбе. 21-уми июн. «Азия-Плюс» — | Ҳафтаи гузашта Шӯрои директорони Бонки ҷаҳонӣ Лоиҳа оид ба таҳкими низоми ҳифзи иҷтимоӣ дар Тоҷикистон ба маблағи умумии 3,2 млн. доллари ИМА-ро тасдиқ намуд.
Тавре ба ОИ «Азия-Плюс» аз намояндагии бонк хабар доданд, ҳадафи лоиҳаи номбурда дар такмили имконоти ҳукумати ҶТ оид ба тарҳрезӣ, баргузории мониторинг ва идораи ҷараёни расонидани кӯмаки иҷтимоӣ ба қишри камбизоати аҳолӣ тавассути таҳияи рӯйхати миллии кӯмаки иҷтимоӣ, роҳандозии омӯзиш, таъмини дастрасӣ ба таҷҳизот ва чораҳои дигар баҳри таҳкими имконот ифода меёбад.
Дар гузориши Бонки ҷаҳонӣ таҳти унвони «Тоҷикистон: Расонидани кӯмаки иҷтимоӣ ба хонаводахои камбизоат» зикр мегардад, ки айни замон ҳукумати Тоҷикистон мушкилоти камбизоатиро тавассути ду барнома ҳал мекунад, ки яке аз онҳо ҷуброни пардохти маблағи истифодаи барқу газ ва дигаре дастгирии оилаҳои ниёзманде аст, ки фарзандонашон таҳсили илм доранд. «Ҳамчунин барномаи начандон бузург барои муҳоҷирон ва як қатор барномаҳои хурд низ амал мекунанд, вале барномаҳои кӯмаки иҷтимоӣ ба коҳиши сатҳи камбизоатӣ қариб ҳеҷ таъсире намегузоранд», - омадааст дар гузориш.
Дар гузориш гуфта мешавад, барномаҳои мавҷудаи кӯмаки иҷтимоӣ сатҳи камбизоатиро ҳамагӣ ба андозаи 0,3 фоиз коҳиш медиҳанд ва дар робита ба ин, лоиҳаи мазкур ба манфиати ҷомеа ва аҳолии камбизоат тавассути дастгирӣ дар рушди низоми кӯмаки иҷтимоӣ ба хонаводаҳои камбизоат нигаронида шуда, он баҳри раҳоӣ аз оқибатҳои бади камбизоатӣ дар ҳолатҳои душвор, аз қабили бӯҳрони молиявӣ, хушксолӣ ва ғайра кӯмак хоҳад расонид
Намояндаи доимии Бонки ҷаҳонӣ дар Тоҷикистон Марша Олив дар робита ба ин масъала изҳор доштааст, ки аз амалисозии ин лоиҳа ҳудуди 15%-и аҳолии Тоҷикистон манфиат хоҳанд бардошт, ки тақрибан 1 млн. нафар аз сокинони ҷумҳуриро ташкил медиҳанд. «Дар натиҷаи роҳандозии ислоҳот ва ҷорисозии рӯйхат дар сатҳи миллӣ ба онҳо кӯмакпулиҳои иҷтимоӣ дода мешавад», - гуфтааст ӯ.
Айни замон Бонки ҷаҳонӣ дар Тоҷикистон 16 лоиҳаро ба маблағи умумии 223 млн. доллари ИМА амалӣ месозад, ки 31%-и он ба бахши кишоварзӣ, 23% - ба соҳаи энергетика, 17% - ба бахши таъминот бо об, 15% - ба рушди маориф, 8% - ба беҳуди хизматрасонии тиббӣ ва 6% ба сиёсати иқтисодиву бахши давлатӣ рост меояд.
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
Кулли ахбор
Авторизуйтесь, пожалуйста