Душанбе. 1-уми июл. «Азия-Плюс» — | Созмони байнулмилалии ғайриҳукуматии «Гузоришгарони бидуни марз» дар ҳамраъйӣ бо даъвати кормандони Би-Би-Си тақозо дорад, ки хабарнигори Би-Би-Си дар Тоҷикистон Ӯрунбой Усмонов, ки шурӯъ аз 13-уми июн дар шаҳри Хуҷанд ба иттиҳоми узвият дар созмони ифротгарои «Ҳизб-ут-таҳрир» боздошт шудааст, фавран озод карда шавад.
Дар изҳороти интишоршуда дар сомонаи расмии созмон ( www.rsf.org ) дар робита ба ин масъала гуфта мешавад, «бекор шудани иттиҳоми узвият дар гурӯҳи фаъолияташ мамнӯъ нишон медиҳад, ки то чӣ андоза иттиҳомоти ворида алайҳи вай (Ӯрунбой Усмонов) заъиф ва бепоя аст. Мақомот ҳоло мехоҳанд обрӯи худро ҳифз кунанд. Иттиҳомоти тоза алайҳи вай беасос аст ва озодии матбуъотро ҷиддан нақз мекунад».
Ёдрас мекунем, ки қаблан намояндагони Би-Би-Си изҳор доштанд, ки айбдории узвияти Усмонов ба «Ҳизб-ут-Таҳрир» бекор шуда, акнун ӯ танҳо ба огаҳ накардани ҳукуматдорон аз фаъолияти созмони мамнӯъ айбдор карда мешавад.
Созмони «Гузоришгарони бидуни марз» бо истинод ба Файзинисо Воҳидова, ҳимоягари Усмонов изҳор мекунанд, ки ҷониби айбдоркунанда далелҳои кофӣ надоштааст.
Ҳимоягар ҳамчунин зикр кардааст, ки рӯзноманигорон «ӯҳдадор нестанд, ки ҳукуматдоронро аз таҳқиқоти худ огаҳ созанд, зеро ин риоя накардани махфӣ нигоҳ доштани сарчашмаи иттилоъот аст». Гуфта мешавад, дар компютери кории Усмонов якчанд китобу асноди ҳизб дарёфт шудаанд.
«Гузоришгарони бидуни марз» бар ин назаранд, ки мулоқоти Усмонов бо аъзои «Ҳизб-ут-таҳрир «бахше аз фаъолияти рӯзноманигории вай барои таҳқиқи бештар дар бораи фаъолияти ин гурӯҳи мамнӯъшуда дар Тоҷикистон аст».
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста