Медиа-гурӯҳи «Азия-Плюс», лоиҳаи IslamNews.tj ва Фонди ба номи Фридрих Эберт рӯзи 21-уми феврал дар шаҳри Душанбе таҳти унвони «Рушди ислом дар Осиёи Марказӣ: тамоилҳои нав, мушкилот ва роҳу воситаҳои ҳалли он» конфронси байнулмилалӣ доир менамояд.
Баррасии нақши ислом дар ҷомеаи муосири тоҷик ва ояндаи кишвар, мусоидат ба таҳкими муколама миёни давлат ва дин аз ҷумлаи ҳадафҳои конфронс аст.
Директори генералии «Азия-Плюс» Умед Бобохонов дар робита ба ин масъала гуфт, дар ҷараёни баҳсу мунозираи кушоду ошкоро ҷиҳати баҳодиҳӣ ба вазъи имрӯзаи дин ва тамоилҳои рушди ислом дар Тоҷикистон кӯшиш ба харҷ дода шуда, мушкилоти мавҷуда дар ин соҳаи ҳаёти ҷомеа ва роҳу воситаҳои ҳалли он мавриди баррасӣ қарор мегиранд.
«Воқеият ин аст, ки тайи солҳои ахир таъсири ислом дар ҷомеаи дар ҳоли афзоиш аст, - мегӯяд У.Бобохонов. – Ин хуб аст ё бад? Оё муборизаи мо бо он зарур аст ё онро ҳавасаманд созем? Фардо мо Тоҷикистонро чӣ гуна дидан мехоҳем ва нақши ислом дар он чӣ гуна хоҳад буд? Оё ба Тоҷикистон таҳкими нақши созмонҳои тундгарои исломӣ таҳдид мекунад ва чӣ гуна метавон ба он роҳ надод? Комилан возеҳ аст, ки дигар наметавон чунин вонамуд кард, ки ин масъалаву мушкилот мавҷуд нестанд. Ин масоилро мебояд кушоду ошкоро баррасӣ намуд ва маҳз бо ин мақсад мо баҳсу мунозираи ҷамъиятиро дар ин хусус роҳандозӣ карданием. «Азия-Плюс» ва лоиҳаи IslamNews.tj ба дастгирии ин ташаббус ҳам аз ҷониби сохтори давлатӣ ва ҳам созмонҳои динии Тоҷикистон умедвор аст».
Дар кори конфронс коршиносони ватаниву хориҷӣ, намояндагони Кумитаи умури дини назди ҳукумати ҶТ, ташкилотҳои динӣ, вакилони парлумон ва журналистон ширкат меварзанд. Намояндагони созмонҳои байнулмилалӣ ва сафоратхонаҳои хориҷии муқими Тоҷикистон ба сифати меҳмонон ба конфронс даъват шудаанд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста