Дар Женева Кумитаи ҳимояи ҳуқуқи ҳамаи муҳоҷирони меҳнатӣ ва аъзои оилаи онҳо гузориши нахустини Тоҷикистонро оид ба муҳоҷират баррасӣ мекунад.
Бино ба маълумоти Маркази иттилооти СММ, аъзои Кумита ба мушкилоти раванди муҳоҷирони корӣ ва таъсири он ба қишри осебпазири ҷомеа – кӯдакону занон таваҷҷуҳи хосса зоҳир хоҳанд кард.
Дар посухҳои худ Тоҷикистон хабар додааст, ки солҳои 2012-2013 бо мусоидати Созмони байнулмилалии муҳоҷират ҳукумат барои дақиқан муайян кардани нишондиҳандаҳои муҳоҷират аз кишвар кортҳои муҳоҷиратро такмил доданист.
Дар ҳамин ҳол, намояндагони Тоҷикистон таъкид мекунанд, ки таҳияи механизми муайян кардани раванди ғайриқонунии муҳоҷират бинобар сабаби ҷой доштани мушкилот дар танзими раванди муҳоҷират дар кишварҳои таъинот ғайриимкон аст. Зикр шудааст, ки миёни Тоҷикистон ва кишварҳои асосии қабули муҳоҷирон реҷаи раводид вуҷуд надорад ва муҳоҷирон қонунӣ ба сафар мебароянд. Агар онҳо дар кишвари таъиншуда тартиботи будубошро риоя накунанд, сипас ба муҳоҷирони ғайриқонунӣ табдил меёбанд.
Дар ҳисоботи Тоҷикистон шумори муҳоҷирони тоҷик тӯли солҳои 2004-2011 зикр гардидааст. Ҳамин тариқ, шумори муҳоҷирони Русияро интихобнамуда, дар соли 2004 – 254,4, соли 2005 – 466,5, 2006 – 562,0, 2007 – 727,0, 2008 – 805,0, 2009 – 692,9, 2010 – 520,8 ва соли 2001 – 750, 3 ҳазор нафарро ташкил додааст.
Ҳукуматдорони Тоҷикистон эътироф мекунанд, ки муҳоҷирати аҳолӣ оқибатҳои ногувори иҷтимоӣ ба бор оварда, ба ҳаёти оилавӣ, вазъи занону кӯдакон таъсир мерасонад. Дар аснод, ҳамчунин дар бораи мубориза бо ҷинояткории фаромиллӣ ва бахусус хариду фурӯши одамон, ки ба мушкилоти муҳоҷирати корӣ робита зич дорад, низ сухан меравад.
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
Кулли ахбор
Авторизуйтесь, пожалуйста