Рӯзи панҷшанбе Дафтари Созмони амнияту ҳамкории Аврупо (САҲА) дар Тоҷикистон амалисозии лоиҳаи панҷсола оид ба кумак ба шуъбаи хадамоти гумруки ноҳияи Мурғоби ВМКБ-ро ба итмом расонид.
Тавре ба ОИ «Азия-Плюс» аз Дафтари САҲА дар Тоҷикистон хабар доданд, лоиҳаи иборат аз ду марҳила соли 2008 оғоз гардида, ба омӯзиши хизматчиёни давлатии ВМКБ бо тарзи истифода аз воситаҳои муосири техникӣ бо мақсади ошкор намудани маводи кимиёвӣ – прекурсорҳои мавриди истифода дар истеҳсоли маводи мухаддир нигаронида шуда буд.
Ба иттилои манбаъ, дар ҷараёни амалисозии лоиҳа беш аз 120 гумрукчиёни тоҷику афғон, ки 10%-ашонро занон ташкил доданд, бо методҳои ҷустҷӯву дарёфти маводи нашъаовар ва таҳлилу идоракунии хатарҳо аз наздик ошно гардиданд. Ғайр аз ин, шуъбаи хадамоти гумруки ноҳияи Мурғоб бо таҷҳизоти махсус ва воситаҳои нақлиёт таъмин карда шуд.
«Бо назардошти афзоиши ҳаҷми ҳамлу нақли бор аз Чин ба ВМКБ ва дигар манотиқи Тоҷикистон, бо дархости хадамоти гумруки Тоҷикистон моҳи октябри соли 2013 терминали муосири назоратӣ бунёд ва мавриди истифода қарор гирифт», - гуфт манбаъ.
Зимнан зикр гардид, ки буҷети лоиҳа ҳудуди 1 млн. евроро ташкил дода, аз ҷониби ҳукуматҳои Ҷопон, Олмон, Белгия ва Норвегия маблағгузорӣ шуд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста