Муддати 5 шабонарӯз аст, ки кормандони милиса фаъолона духтари 5-солаи рӯзи ҷумъаи ҳафтаи сипаришуда дар шаҳри Душанбе бедаракшударо ҷустуҷӯ доранд. Сабоҳат Диловароваи 5-сола дар бинои ҳамон манзили зисте, ки хоҳарони беш аз як сол қабл гумшуда - Араловаҳо дар он иқомат доштанд, яъне бо суроғаи кӯчаи Айнӣ, бинои 32/1, каме дуртар аз маркази савдои «Садбарг» зиндагӣ мекунад.
Назира Диловарова, модари духтар имрӯз ба «Азия-Плюс» дар ин робита изҳор намуд, ки духтари 5-солаи ӯ Сабоҳат Диловарова то ҳол пайдо нашудааст. «Духтарам дар куҷост, намедонам. Мо ба Шуъбаи ВКД-и ноҳияи Шоҳмансур муроҷиат кардем, вале аз ҷустуҷӯи духтари ман то ҳанӯз натиҷае ҳосил нашудааст», - иброз дошт вай.
Ӯ ҳикоят кард, ки замони бедарак шудани духтарчааш дар кор будааст, ӯ дар яке аз салонҳои зебоии наздики маҳаллаи Иттифоқҳои Касаба кор мекунад. «Он замон Сабоҳат ҳамроҳи холааш дар хона буда, 8-уми август соати 11 ба ҳавлии бино барои бозӣ кардан мебарояд, вале ҳангоме ки холааш ба ҳавлӣ мебарояд, ӯро пайдо намекунад ва дарҳол ба ҷустуҷӯи ӯ оғоз мекунад», - хабар дод модари духтар.
Дар ҳамин ҳол, кормандони милисаи машғул ба ҷустуҷӯи духтарча ба «Азия-Плюс» изҳор намуданд, ки агар дар ҳавлии бино камераи видеойӣ мебуд, ҷустуҷӯи духтарча осонтар мегардад. «Мутаассифона, баъди азназаргузаронии тамоми ҳавливу мавзеъҳои гирду атроф ва пурсиши сокинон ошкор шуд, ки ӯро ҳеҷ кас надидааст ва дар бораи ӯ чизе ҳам намедонад. Мо аз тамоми шаҳрвандон дархост мекунем, ки агар дар бораи духтарча маълумоте дар даст дошта бошанд, ба мо дар ҷустуҷӯ кумак кунанд», - гуфт яке аз кормандони милиса.
Бино ба маълумоти мақомоти милиса, Сабоҳат дар оила фарзанди ягона буда, модараш ӯро яккаву танҳо тарбия мекунад, зеро падараш, ки қаблан дар яке аз бонкҳои кишвар кор мекардааст, барои сохтакории ҳуҷҷатҳо айни замон дар муассисаи ислоҳӣ муҳлати ҷазоро адо мекунад.
Ғайр аз ин, маълум шуд, ки ин бедаракшавии Сабоҳат бори аввал нест. Ба гуфтаи корманди ШВКД-и шаҳри Душанбе Замира Исмоилова, ки ӯ ҳам дар суроғаи кӯчаи Айнӣ, бинои 32/1, яъне манзили иқоматдоштаи духтари гумшуда зиндагӣ мекунад, ду моҳ қабл ӯ шоҳиди он гардидааст, ки Сабоҳати 5-сола дар мавзеи паҳлӯи кинотеатри «Ватан» яккаву танҳо бидуни ҳамроҳии калонсолон бо зани ношиносе «сайругашт» мекард ва ин зан макони зисти ӯ ва номи падару молдарашро муайян карданӣ буд.
«Ман ҳамсояи хурдсоли худро шинохта, ӯро ба хонааш бурдам ва ба дасти модару холааш супурда, ба онҳо эрод гирифтам, ки хуб нигоҳубин намекунанд», - гуфт вай.
Бино ба маълумоти ВКД Тоҷикистон, айни замон тамоми шуъбаҳои кофтукови ҷиноии пойтахт, аз ҷумла шуъбаҳои милиса дар саросар кишвар аз ин ҳодиса огаҳ карда шуда, ҷустуҷӯи духтьарчаро идома медиҳанд.
Ёдрас мекунем, ки рӯзи 8-уми август дар шаҳри Душанбе Осияи 5-сола, ки дар бинои манзили зисти хоҳарони як сол қабл гумшуда Араловаҳо дар кӯчаи Айнӣ зиндагӣ мекард, бедарак шуд . Баъдтар маълум шуд, ки номи духтарча Сабоҳат будааст.
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Кулли ахбор
Авторизуйтесь, пожалуйста