Санаи 4 феврали соли 2015 дар Сафорати Ҷопон дар Душанбе маросими ба тасвиб расидани созишномаҳои муштараки 3 лоиҳаи нав баргузор гардид. Созишномаҳои мазкур аз ҷониби Такашӣ Камада, сафири Ҷопон дар Ҷумҳурии Тоҷикистон бо намояндагони 3 мақомоти пазирандаи грантҳо ба тасвиб расиданд.
Тавре аз сафорати Ҷопон дар ҶТ хабар доданд, дар чаҳорчӯбаи Барномаи ҳукумати Ҷопон оид ба кӯмакҳои бебозгашти лоиҳаҳои амнияти башарӣ барои бахши аъзами аҳолӣ «Лоиҳаи дастрас намудани таҷҳизоти тиббӣ ба шӯъбаи урологияи беморхонаи минтақавии ҷамоати деҳоти «Ғулакандоз»-и ноҳияи Ҷаббор Расулов» ба маблағи 98,5 ҳазор доллари ИМА, «Лоиҳаи сохтмони Маркази занон дар шаҳри Панҷакент ба маблағи 100,3 ҳазор доллари ИМА ва «Лоиҳаи беҳтар гардонидани системаи обёрӣ дар деҳаҳои «Қарасой» ва «Қашот»-и ҷамоати деҳоти «Қашот» дар ноҳияи Ҷиргатол» ба маблағи 114,7 ҳазор доллари ИМА амалӣ мешаванд.
Дар маросими ба тасвиб расонидани лоиҳаҳои мазкур, ҷаноби Камада қайд намуд, бо тасвиби лоиҳаҳои мазкур, шароит дар соҳаҳои тиб, иҷтимоӣ, ҳаёти занон ва соҳаи хоҷагии деҳқонӣ дар ин ноҳияҳо беҳтар хоҳад гашт. Ҳамчунин, ҷаноби Камада изҳор намуд: “Лоиҳаҳои мазкур барои вусъат бахшидани равобити дуҷонибаи Ҷумҳурии Тоҷикистон ва Ҷопон нақши муҳим бозӣ мекунанд. Дар баробари ин, ман умед дорам, ки муносибатҳои дӯстонаи байни ин ду давлат боз ҳам вусъат хоҳанд ёфт”.
Кӯмакҳои бебозгашти лоиҳаҳои амнияти башарӣ барои бахши аъзами аҳолӣ ба ҳокимиятҳои маҳаллӣ, созмонҳои ғайридавлатӣ, соҳаҳои маориф ва тандурустии мамлакатҳои рӯ ба тараққӣ расонида мешавад. Лоиҳаҳо амнияти башарӣ дар бахши аъзами аҳолӣ 340 лоиҳаро ба маблағи умумии $27.5 миллион доллари ИМА дар Тоҷикистон амалӣ намудааст.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста