Фарзанди ин овозхони шинохта – Муҳаммадрафии Кароматтуло ният дорад, ки дар ин Коллеҷ ба донишҷӯён дарс диҳад.
Коллеҷи ҷумҳуриявии санъати ба номи Кароматулло Қурбонов дирӯз бо иштироки раисҷумҳур Эмомалӣ Раҳмон пас аз навсозӣ дар шаҳри Кӯлоб мавриди баҳрабардорӣ қарор гирифт.
Муҳаммадрафии Каромтулло зимни суҳбат ба “Азия-Плюс” гуфт, ки аҳли хонаводаи онҳо аз иштирок дар маросими ифтитоҳи ин муассисаи таълимӣ хушҳол шуданд.
“Президенти Ҷумҳурии Тоҷикистон Эмомалӣ Раҳмон зимни кушодани Коллеҷ беҳтарин суханонро гуфтанд. Мо - аҳли оила ба ин чорабиниӣ даъватӣ будем. Чандин мутахассисони ботаҷрибаро дар он ҷо дида, хеле хушҳол шудем. Зеро онҳо беҳтарин омӯзгорон мебошанд ва гуфта метавонем, ки дар ин даргоҳ мутахассисони хубро тарбият мекунанд”, - гуфт ӯ.
Муҳаммадрафӣ афзуд, ки ба хотири гиромидошти номи падараш барои рушди Коллеҷи ҷумҳуриявии санъат ба ҳама гуна кумак омодааст: “Агар зарур бошад, ба хонандагон дарс медиҳам. Нақшаҳои зиёд дорем, ки дар оянда онҳоро амалӣ хоҳем кард, то рӯҳу равони падарам шод бошад. Ҳамчунин интизороти зиёд аз донишҷӯёни Коллеҷи ҷумҳуриявии санъати ба номи Кароматулло Қурбонов дорем”.
Ба иттилои хадамоти матбуоти сарвари давлат, бинои Коллеҷи мазкур аз ду ошёна ва таҳхона иборат буда, толорҳои рақс ва навозиш, синфхонаи компютерӣ, утоқҳои кории устодон ва синфхонаҳо барои донишҷӯён иборат аст.
Корҳои сохтмонӣ дар бинои коллеҷи мазкур моҳи июли соли ҷорӣ оғоз гардида, дар рафти сохтмони он 30 нафар сокинони маҳаллӣ бо шуғл ва маоши хуб таъмин шуданд. Бино дорои 15 синфхона буда, бо аёнияти дарсӣ ва созҳои мусиқӣ муҷаҳҳаз мебошад.
Кароматулло Қурбонов аз зумраи беҳтарин ҳунармандони тоҷик буда, 29-уми ноябри соли 1961 дар шаҳри Кӯлоб ба дунё омадааст. Сурудҳои машҳури ӯ – "Зиндагӣ", "Андак-андак", "Рақс бикун" ва ғайра дар дили мардум ҷо шудаанд. Рӯзи 18-уми октябри соли 1992 Кароматулло ва гурӯҳи навозандагони ӯ дар ҳудуди ноҳияи Ёвон кушта шуданд.
Имрӯз фарзандони шодравон Кароматулло Қурбонов – Нозия ва Муҳаммадрафӣ касби падарро давом дода, миёни мардум ҳаводорони зиёд доранд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста