Барои фаъолияти маъюби гурӯҳи дуюм Фарида Қодирова дари чандин коргоҳу муассиса баста буд. Мушкилоти ӯ дар шабакаи иҷтимоии Facebook инъикос шуд. Сипас ӯро дар Маркази назорати давлатии санитарию эпидемиологии шаҳри Хуҷанд ба кор қабул карданд.
Фарида бо модару хоҳараш Фирӯза дар хонаи модаркалон дар ҷамоати деҳоти Унҷи ноҳияи Бобоҷон Ғафуров зиндагӣ доранд. Модараш дар бозор машғули нонфурӯшӣ буда, ҳамарӯза 25 сомонӣ музди кор мегирад. Бо амри тақдир аз падар ҷудо ҳастанд.
Соли 2019 Фарида коллеҷи тиббии шаҳри Гулистонро хатм кард. Ӯ дипломашро гирифта, бо умеди дарёфти ҷойи кор ба беморхонаи назди маҳалли истиқоматаш равона шуд, аммо бенатиҷа.
Ба гуфтаи ӯ, дармонгоҳи мазкур ягона ҷойи муроҷиаташ набуда, тӯли 6 моҳи соли гузашта то ҳукумати ноҳияи Бобоҷон Ғафуров ва вилояти Суғд рафтааст.
Фарида Қодирова соли 2008 дар синни 11-солагӣ дучори садама гардида, то ин дам пойи чапаш 5 маротиба ҷарроҳӣ шудааст.
“Маблағи се ҷарроҳии маро худи ронанда, ки марди пиронсоли 72-сола буд, пардохт кард. Бори чаҳорум маблағро модарам супорида, ҷарроҳии охирин бо дастгирии барномаи хайриявии “Ормон” пардохт шуд”, - нақл мекунад ӯ.
Фарида мегӯяд, тӯли 3 соли таҳсилаш маблағи шартномаи коллеҷро, ки 4300 сомонӣ дар як сол буд, модараш месупорид. Вай акнун мехоҳад, пайваста кор карда, ёвару дастгири модараш бошад.
Мудири озмоишгоҳи санитарию гигиении Маркази мазкур Мутрибахон Ашрафова иброз дошт, ки Фарида сарфи назар аз мушкилоти нисбии ҳаракат (ӯ бо асо роҳ мегардад), духтари чаққон буда, аз рӯзи аввал бо масъулияти зиёд ба кор шурӯъ кард.
Ҳайати кормандони муассиса аз шиносоӣ ва ҳамкорӣ бо Фарида хурсанд буда, аз ин духтар фаъолияти пурсамар интизор доранд. Барои ӯ бо мусоидати роҳбари Маркази назорати давлатии санитарию эпидемиологии шаҳри Хуҷанд Султон Раҳмонзода ғизои нисфирузӣ ва роҳкиро низ таъмин шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
Кулли ахбор
Авторизуйтесь, пожалуйста
Мехмон Бахтӣ23 январ, 2020 00:24
Хушо ба ҳолат баҳри нони ҳалол мекӯшӣ Фарида. Бисёр сиҳатҳо касби гадоӣ пешаи худ кардаанд. Луқмаи ҳалол ин ибодат аст. Сабру ҳаёву имон насиби доимият бошад Илоҳӣ