Тӯли 3 рӯзи охир тавассути паёмакрасони шахсӣ ва саҳифаҳои иҷтимоӣ овозае паҳн шудааст, ки гӯё дар ноҳияи Мурғоби Вилояти Мухтори Куҳистони Бадахшон сирояти коронавирус ба қайд гирифта шудааст. Раёсати тандурустии ВМКБ бо нашри як иттилоия ин овозаҳоро беасос номидааст.
“Вобаста ба вазъи эпидемикии коронавирус дар кишвари Чин, бо назардошти робитаи зич бо ин кишвар тавассути гузаргоҳи Қулма, дар нуқтаи назорати санитарии карантинии (ННСК)-и “Қулма” чорабиниҳои назоратии зидди эпидемикӣ ба роҳ монда шудаанд. Дар ННСК-и “Қулма”-и ноҳияи Мурғоб айни замон 1 табиби эпидемолог ва 2 ёрдамчии духтури эпидемолог фаъолият доранд. Дар ННСК-и “Қулма” 1 адад ҳароратсанҷи дистансионии бадан, 4 адад ҳароратсанҷ, 4 воситаи фардии муҳофизатии махсус (индивидуальное средство защиты и защитные костюмы) ва инчунин маводҳои безараргардониву ниқобу дастпӯшак ба таври кофӣ мавҷуд мебошад”, - хабар додаанд аз раёсати мазкур ба Moh.tj.
Бино ба иттилои манбаъ, дар беморхонаи марказии ноҳияи Мурғоб 25 адад воситаҳои фардии муҳофизатии махсус, 1350 дастпӯшак, 70 респиратор, 400 ниқоб, 2 хилъат, 12 пробирка барои гирифтани намуна ҷиҳати ташхис дастрас гардонида шудаанд.
Айни ҳол дар беморхонаи Конақурғон 15 нафар ва дар касалхонаи ноҳиявӣ 4 нафар дар карантин буда, таҳти назорати табибон қарор доранд. То ин замон дар ягон нафари онҳо нишонаҳои бемории коронавирус пайдо нашудааст.
Тибқи дастури Вазорати тандурустӣ ва ҳифзи иҷтимоии аҳолии ҶТ ҳар нафаре, ки аз Ҷумҳурии Мардумии Чин вориди Тоҷикистон мешавад, 14 рӯз бояд зери назорати табибон қарор гирад.
“Вазъият дар зери назорати қатъии Раёсати тандурустӣ ва сохторҳои он қарор дода шудааст ва дар ноҳия ситоди доимоамалкунанда фаъолият дорад”, - омадааст дар иттилоия.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Кулли ахбор
Авторизуйтесь, пожалуйста